close
Եղանակը Երևանում
11 Հուլիսի 2020
+23°
+27°Ցերեկ
+18°Գիշեր
weather
close
Փոխարժեք
11 Հլս 2020
USD1486.73
GBP1613.77
EUR1549.62
RUB16.84
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«ՄԵՀՅԱՆ» գիտամշակութային հանդեսի ստեղծագործական կազմը դիմում է ազգայինը կարևորող մեր հայրենակիցներին

Մշակույթ

26 Հունիսի 2020, 22:33
 «ՄԵՀՅԱՆ» գիտամշակութային հանդեսի ստեղծագործական կազմը դիմում է ազգայինը կարևորող մեր հայրենակիցներին

Գևորգ Գյուլումյանը գրում է.

«Սիրելի՛ ընկերներ,

Կարծում եմ` բոլորդ նկատել եք, որ Հայաստանում տիրող քաղաքական զարգացումների և համընդհանուր գաղջի արդյունքում զգալիորեն ստվերվել ու տուժել է մշակութային կյանքը, մասնավորապես ազգային մշակույթը։

Մտահոգ լինելով այդ իրավիճակով և առաջնորդվելով «ավելի լավ է մեկ մոմ վառել, քան անվերջ բողոքել խավարից» սկզբունքով՝ ընկերներիս հետ որոշեցինք փոքրիկ լումա ներդնել ազգային մշակույթի լուսաբանման գործում և ստեղծել «ՄԵՀՅԱՆ» գիտամշակութային հանդեսը։

Քննարկումների արդյունքում եկանք եզրահանգման, որ միջոցներ չենք խնդրելու կոնկրետ հովանավորներից ու հիմնադրամներից` հնարավոր կախվածությունից և դրանից ծագող հետագա բարդություններից խուսափելու նպատակով: Ուստի նպատակահարմար գտանք ուղիղ դիմել մեր ընկերներին և ազգային կյանքով ապրող, ազգայինը կարևորող մեր հայրենակիցներին։

Ակնկալում ենք բոլորիդ աջակցությունը՝ մեր մշակույթի պահպանմանը և զարգացմանը միտված ամսագրի ստեղծման գործում։ Տպագրվող յուրաքանչյուր համարի առաջին էջում կգրվեն այն մարդկանց կամ կազմակերպությունների անունները, որոնց նվիրատվությունների շնորհիվ լույս կտեսնի տվյալ համարը:

Յուրաքանչյուր փոխանցում, անկախ չափից, կարևոր է և երախտագիտություն հարուցող:

Առաջիկայում մանրամասներ կհաղորդենք բացված հաշիվների և հաշվետվողականության մեխանիզմների վերաբերյալ։

Հ.Գ. Նախնական որոշել ենք հետևյալ թեմատիկ բաժանումները.

ա. Մշակույթ (բոլոր բաժիններով)

բ. Գիտական գ. Բանավեճի հարթակ

դ. Գիտահանրամատչելի

ե. Նոր գրքեր (նպատակ ունենալով ինչ-որ կերպ լրացնել «Գրքերի աշխարհի» բացը)

զ. Գրականություն

է. Հուշագրություն

ը. Երգիծանք

Սիրով կլսենք բոլորիդ կարծիքները և դիտողությունները»:

Երկրպագողներ և ատողներ
11 Հուլիսի 2020, 16:32 Երկրպագողներ և ատողներ
Մենախօսութիւններ
11 Հուլիսի 2020, 11:54 Մենախօսութիւններ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica