close
Եղանակը Երևանում
9 Հուլիսի 2020
+23°
+31°Ցերեկ
+20°Գիշեր
weather
close
Փոխարժեք
9 Հլս 2020
USD1485.74
GBP1608.34
EUR1547.57
RUB16.82
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ասենք տոտալ լոքդաուն արեցինք, թվերը ընդհուպ եկավ զրոյացավ, սա հարցի լուծում չէ. Փաշինյան

Քաղաքական

6 Հունիսի 2020, 12:05
 Ասենք տոտալ լոքդաուն արեցինք, թվերը ընդհուպ եկավ զրոյացավ, սա հարցի լուծում չէ. Փաշինյան

Եթե ծանր հիվանդներն այնքան շատանան, որ հիվանդանոցներում տեղ չլինի, ստիպված ենք լինելու վերադառնալ տոտալ լոքդաունի: Այս մասին Facebook-ի իր էջի ուղիղ եթերում հայտարարեց ՀՀ վարչապետ Նիկոլ Փաշինյանը:

«Կյանքը կանգնելու է իր բոլոր տնտեսական ու սոցիալական հետևանքներով:

Ասենք լոքդաուն արեցինք, թվերը ընդհուպ եկավ զրոյացավ, սա հարցի լուծո՞ւմ է: Սա հարցի լուծում չի, որովհետև աշխարհում, նույնիսկ զրոյով երկրում կորոնավիրուսը շարունակում է գոյություն ունենալ, և երբ տոտալ լոքդաունից հետո սկսում ենք բացվել, վարակը նորից սկսում է տարածվել: Այսինքն հավանականություն է առաջանում, որ կկանգնենք նորից լոքդաուն հայտարարելու խնդրի առաջ: Այստեղ խնդիրն այն է, որ մենք ունքը սարքելու փոխարեն աչքն էլ ենք հանում: Որովհետև մի կողմից կորոնավիրուսի հարցը չենք լուծում, մյուս կողմից մենք տնտեսական ու սոցիալական կոլապսի ենք ենթարկում երկիրը»,-ասաց վարչապետը:

Նա ընդգծեց, որ հարցի լուծման իրենց ընկալումը հետևյալն է. «Նախ, առողջապահական համակարգն ինչ ուզի, մենք պետք է տանք, որ հզորությունները մեծացնենք: Բայց դա ժամանակատար է և անսահման չի հզորությունները մեծացնելու հնարավորությունը: Դր համար լուծումը հիվանդների թվի կրճատումն է, բայց դա ոչ թե վարչահրամայական եղանակով: Որովհետև վարչահրամայականի դեպքում ամեն ինչ փակվում է, դուք աշխատանքի չեք գնում, աշխատավարձ չեք ստանում, եկամուտ չեք ունենում: Դա իր հերթին բերում է շղթայական խնդիրների՝ պետությունը հարկ չի կարողանում հավաքել, թոշակ չի կարողանում վճարել և այլն:

Դրա համար իմ փիլիսոփայությունը հետևյալն է, որ այս մեծ բեռը, որ ծանրացել է մեր ուսերին, եթե կարողանանք պայմանական ասած բաժանել 3 միլիոն մասի, ամեն մեկի ուսերին դնել մի հատ պուճուր բեռ, որը նա կարող է տանել, թեև անհարմար է լինելու: Մի բան է, որ այդ ամբողջ ծանր բեռը կառավարությունը կրում է մենակ, ուրիշ բան է, որ  բոլորով ենք այդ բեռը կրում: Հիմա մեր ամբողջ քաղաքականության տրմաբանությունը սա է»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica