close
Եղանակը Երևանում
16 Հուլիսի 2020
+18°
+29°Ցերեկ
+17°Գիշեր
weather
close
Փոխարժեք
16 Հլս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Ոնց եղել է նախկին արատավոր համակարգում՝ փակ ազատումներ ու փակ նշանակումներ, նույն ձևով շարունակվում է․ Մարուքյան

Քաղաքական

5 Հունիսի 2020, 13:12
 ՏԵՍԱՆՅՈՒԹ․ Ոնց եղել է նախկին արատավոր համակարգում՝ փակ ազատումներ ու փակ նշանակումներ, նույն ձևով շարունակվում է․ Մարուքյան

Ես շատ լավ էի վերաբերվում ՊԵԿ նախագահի պաշտոնավարմանը՝ ըստ Yerkir.am-ի ասաց Աժ «Լուսավոր Հայաստան» խմբակցության ղեկավար Էդմոն Մարուքյանը:

«Ոնց եղել է նախկին արատավոր համակարգում՝ փակ ազատումներ ու փակ նշանակումներ, նույն ձևով շարունակվում է»,-ասաց նա։

Մարուքյանի համար անհասկանալի են թե՛ Դավիթ Անանյանի, թե՛ Էրիկ Գրիգորյանի պաշտոնանկության պատճառները։

«Եթե ՊԵԿ նախագահին ազատել են մաքսատանը հերթերի պատճառով, ինչպես գրում է մամուլը, դա աբսուրդ է»,-ասաց նա:

Շրջակա միջավայրի նախարարի պաշտոնանկության մասին նա ասաց, որ Սահմանադրության պահանջի համաձայն՝ նա արդեն նշանակված պետք է լիներ:

Երկրում կորոնավիրուսի համավարակի ահագնացումից խուսափելու համար խիստ սահմանափակումների վերադառնալու համար, ըստ Մարուքյանի, կա՛մ մարդկանց պետք է սոցիալական աջակցություն տրամադրել, որ տանը մնան, կա՛մ պետք է բացել տնտեսությունը:

«Ուղղակի փող չի տրվել, հաստատվել են ծրագրեր, որոնք բոլորը եղել են անարդյունավետ, և մենք առաջարկել ենք դրա փոխարեն ուղղակի աջակցել ընտանիքներին: Կառավարությունը, որ չգնա այդ ֆինանսավորման ճանապարհով, բացում է տնտեսությունը, ու ունենք այն, ինչ ունենք: Եթե հիմա հետ գնանք նորից փակելուն, պետք է երկար փակել, երկու շաբաթն անիմաստ է, և պետք է մարդկանց ֆինանսավորել, կոմունալները վճարել, վարկային ու հարկային արձակուրդներ տալ: Հիմա հարցնում եք՝ կարո՞ղ ենք նորից փակել. կարող ենք, եթե բոլորին փող տանք, եթե բոլորին փող չտանք, չենք կարող: Մենք փող ունենք, մենք ունենք վերցված վարկ՝ COVID-19-ի դեմ պայքարելու համար»,- նշեց Մարուքյանը:

«Լուսավոր Հայաստան» խմբակցության ղեկավարը նշեց, որ Արժույթի միջազգային հիմնադրամից վերցված վարկի բացատրությունում գրված են հակաճգնաժամային ծրագրերի hama8:

«Նշանակում է, որ պետությունն ուզում է պոստֆակտում էս փողը վերցնի, և էդ ծրագրերն արդեն իրականացվել են: Դրանց վրա 280 միլիոն չի ծախսվել, բայց 280 միլիոն մենք հիմա վերցնում ենք»,- նշեց Էդմոն Մարուքյանը:

Նա նաև նկատեց, որ փոխանակ ինստիտուտներն աշխատեն, անձերն են աշխատում՝ վարչապետի լուսանկարների հրապարակումներից 80 օր հետո բանկերի հերթերը վերանում են:

«Երբ անձի դերը բարձրացվում է ինստիտուտների դերը նվազեցվում, այդ ինստիտուտները նվաստեցվում են»,-ասաց նա:

ԼՀԿ ղեկավարի համար անհասկանալի է, թե ինչով են զբաղված եղել օրինակ մարզպետները մինչ այս պահը. «Վարչապետը սկսել է անձամբ զբաղվել, բայց դրա արդյունքում նկարներ են հրապարակվել, որոնք խախտում են մարդու անձնական կյանքի իրավունքը, տվյալները»:

Ցանկացած ժողովրդավարական զարգացած երկրում դրա արդյունքում շատ խորը ճգնաժամ կարող էր առաջանալ ու իշխանությունը շատ մեծ խնդիր կարող էր ունենալ՝ նշեց նա:

«Հայաստանում որևէ բան չի լինի: Հիմա մի նկարը հեռացրել է, բայց օգտատերերն արդեն տարածում են այդ աղջկա նկարը: Ժողովուրդ ջան, ինքը սխալը հասկացել է, գոնե դուք մի տարածեք»,-ասաց Էդմոն Մարուքյանը:

Մանրամասն՝ տեսանյութում․

ՈՒՂԻՂ. ԱԺ արտահերթ նիստը
16 Հուլիսի 2020, 13:29 HES_VIDEOՈՒՂԻՂ. ԱԺ արտահերթ նիստը
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica