close
Եղանակը Երևանում
14 Հուլիսի 2020
+28°
+30°Ցերեկ
+18°Գիշեր
weather
close
Փոխարժեք
14 Հլս 2020
USD1485.62
GBP1607.90
EUR1551.66
RUB16.82
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Թող պարետը բերի իմ գումարը տա, ես ստուց էթամ․ «Մեյմանդարի» շուկայի վաճառողները բողոքում են

Հասարակություն

2 Հունիսի 2020, 17:00
 ՏԵՍԱՆՅՈՒԹ․ Թող պարետը բերի իմ գումարը տա, ես ստուց էթամ․ «Մեյմանդարի» շուկայի վաճառողները բողոքում են

Էդքան կլուբնիկ, որ բերել եմ, 24 ժամ ո՞նց պահեմ, հետո նորից վաճառեմ, պիտի թափեմ չէ՞, ապրանքը փչանում է՝ ըստ Yerkir.am-ի այս տիպի հայտարարություններով «Մեյմանդարի» շուկայի առևտրականները բողոքի ակցիա են անցկացնում ՀՀ պարետի որոշման դեմ, որի համաձայն շուկան 24 ժամով պետք է փակվի՝ ախտահանման նպատակով։

«Էս մեկ միլիոնանոց ապրանքը բա ի՞նչ պիտի անենք, ամեն մի ավտոյի վրա միլիոնանոց ապրանք է», - ասաց վաճառողներից մեկը։

«Ախպեր, թող պարետը բերի իմ գումարը տա, ես թողնեմ, հելնեմ ստուց էթամ», - ասաց վաճառողներից մեկը։

Նրանց առաջարկել են ապրանքը տանել այլ տեղ վաճառել, օրինակ՝ Արտաշատում, նրանք, սակայն, համաձայն չեն։

«Քրտնածս ապրանքը, որ վաղը տանեմ շուռ տամ, ձեր պարետին դուր կգա՞», - վրդովեց մեկ այլ վաճառող։

Վաճառողները պնդում են, որ տարածքը ամեն օր մի քանի անգամ ախտահանում են:

«Էդ իմ ապրանքը, որ փչացավ, միլիոն հատ վարկ ունեմ, ո՞վ ա վճարելու, հետո էլ պիտի գաք տունը ձեռիցս վերցնեք», - ասաց մեկ այլ առևտրական։

«Որոշումը չի փոխվելու, շուկան փակվելու է, իզուր ժամանակ եք կորցնում», - ասացին վաճառողներին։

Բողոքի ակցիայի մասնակիցները վանկարկում են՝ «շուկան չի փակվելու ու վերջ»։

Վաճառողներն առաջարկեցին փակել շուկայի մի հատվածը, մյուս հատվածում շարունակել վաճառքը, սակայն դա մերժվեց:

Ակցիայի մասնակիցների հետ հանդիպման եկավ ԱԺ «Իմ քայլը» խմբակցության պատգամավոր Նարեկ Մկրտչյանը, ով նշեց, որ երեկ ՀՀ-ում գրանցվել է կորոնավիրուսից մահվան 19 դեպք, և Կառավարությունը չի կարող հաջողել համավարակի տարածման դեմ պայքարում՝ առանց ժողովրդի աջակցության: «Ձեր՝ պարետի որոշմանը ենթարկվելը փրկելու է կյանքեր»,-նշեց նա:

Մանրամասն՝ տեսանյութում․

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica