close
Եղանակը Երևանում
5 Հուլիսի 2020
+20°
+31°Ցերեկ
+19°Գիշեր
weather
close
Փոխարժեք
5 Հլս 2020
USD1483.84
GBP1602.38
EUR1543.30
RUB16.81
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Առաջնագծում «թեժ» իրավիճակի նվազեցում. Ադրբեջանը «թեժությունը» տեղափոխել է քարոզչական հարթություն. Տիգրան Աբրահամյան

Քաղաքական

31 Մայիսի 2020, 17:36
 Առաջնագծում «թեժ» իրավիճակի նվազեցում. Ադրբեջանը «թեժությունը» տեղափոխել է քարոզչական հարթություն. Տիգրան Աբրահամյան

Արցախի նախագահի նախկին խորհրդական Տիգրան Աբրահամյանը ֆեյսբուքյան իր էջում գրում է.

«Ադրբեջանի նախագահ Իլհամ Ալիևի՝ ուժի կիրառման հարցի օրակարգային լինելու մասին հարցազրույցին երեկ հաջորդեց Ադրբեջանի պաշտպանության նախարարի անցկացրած ընդլայնված խորհրդակցությունը, որտեղ նույն տրամաբանության մեջ հայտարարություններ հնչեցնելուց բացի նաև, ըստ էության, «հանձնարարություններ» եղան՝ զորքերը նախապատրաստելու ռազմական ճանապարհով հարցի կարգավորմանը:

Սա ի դեպ, հայտարարությունների բովանդակության առումով աննախադեպ չէ, նման ոճի տարբեր հայտարարություններ հնչել են նաև նախկինում տեղի ունեցած խորհրդակցություններից հետո՝ տարբեր հետևանքներով:

Սրանց ի պատասխան հայտարարություններ հնչեցին Արցախի նախագահականից և Հայաստանի ՊՆ-ից, սակայն Ադրբեջանը դրանով կարծես թե չի պատրաստվում բավարարվել:

Այսօր առավոտյան Ադրբեջանի պաշտպանության նախարարությունը խիստ կասկածելի տեղեկություններ փոխանցեց առաջնագծում տեղի ունեցած «միջադեպի» մասին (խոշոր տրամաչափի զինատեսակների և դիպուկահարների ակտիվացման մասին), որը ոչ մի ձևի հաստատում չի ստանում, ապա քիչ անց ռազմական բնույթի լրահոս ապահովող ադրբեջանական ԶԼՄ-ներից մեկը Ադրբեջանի պաշտպանության նախարարության մամուլի ծառայությանը հղումով մեկնաբանություն տարածեց, որը բովանդակային առումով համառոտ ձևով ներկայացնում էր Ադրբեջանի նախագահի և պաշտպանության նախարարի՝ վերջին օրերին հնչեցրած հայտնի հայտարարությունների տրամաբանությունը՝ միակ լեզուն, որ պետք է խոսել հակառակորդի հետ, զենքի ուժն է:

Չնայած շաբաթվա ընթացքում տարբեր միջադեպերի մասին Ադրբեջանից հնչող չհաստատված միջադեպերի և սպառնալիքներ պարունակող հայտարարություններին, Արցախի ՊԲ-ի՝ անցնող շաբաթվա մասին ամփոփիչ հաղորդագրությունում, հրադադարի ռեժիմի խախտումների բավականին ցածր թիվ է արձանագրված, այլ միջադեպերի մասին էլ տեղեկություններ չկան:

Ստացվում է, որ տարբեր դրդապատճառներից ելնելով Ադրբեջանը նպատակ ունի այս փուլում նվազագույնը առաջնագծում առկա իրավիճակը «թեժ» ներկայացնել. այս փուլում «թեժությունը» դեռևս քարոզչական հարթությունում է, իսկ հասկանալու համար, թե արդյո՞ք սա առաջնագծում ակտիվություն մտցնելու անոնս կամ տեղեկատվական նախապատրաստություն է, անհրաժեշտ է որոշ հանգամանքներ ևս մանրամասն վերլուծել»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica