close
Եղանակը Երևանում
9 Հուլիսի 2020
+29°
+31°Ցերեկ
+21°Գիշեր
weather
close
Փոխարժեք
9 Հլս 2020
USD1486.60
GBP1615.69
EUR1551.22
RUB16.87
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՀԱՅԱՍՏԱՆԻ ՀԱՆՐԱՊԵՏՈՒԹԵԱՆ ԿԵՐՏՄԱՆ 102-ԱՄԵԱԿԻ ՏՕՆԱԿԱՏԱՐՈՒԹԵԱՄԲ ԼՈՒՍԱՐՁԱԿԻ ՏԱԿ ԱՌՆՈՒԵՑԱՒ ԱՆԿԱԽՈՒԹԻՒՆ ԿԵՐՏԱԾ ՍԵՐՈՒՆԴԻՆ ԱՆՇԵՂ ՈՒՂԻՆ

Սփյուռքի ձայնը

30 Մայիսի 2020, 11:20
 ՀԱՅԱՍՏԱՆԻ ՀԱՆՐԱՊԵՏՈՒԹԵԱՆ ԿԵՐՏՄԱՆ 102-ԱՄԵԱԿԻ ՏՕՆԱԿԱՏԱՐՈՒԹԵԱՄԲ ԼՈՒՍԱՐՁԱԿԻ ՏԱԿ ԱՌՆՈՒԵՑԱՒ ԱՆԿԱԽՈՒԹԻՒՆ ԿԵՐՏԱԾ ՍԵՐՈՒՆԴԻՆ ԱՆՇԵՂ ՈՒՂԻՆ

Հալէպահայ համայնքապետները, կազմակերպութիւններու եւ միութիւններու ներկայացուցիչները, ՀՀ Հալէպի գլխաւոր Հիւպատոսն ու Մարդասիրական խումբի հիւպատոսութեան ներկայացուցիչը, Ազգ. Իշխանութեան ներկայացուցիչներն ու Սուրիոյ խորհրդարանի հալէպահայ երեսփոխանը համախմբուած էին Ս. Աստուածածին եկեղեցւոյ, ապա նաեւ ներքնասրահին մէջ տօնախմբելու Հայաստանի Հանրապետութեան կերտման 102-ամեակը։
Տօնակատարութիւնը, որ կազմակերպուած էր Հայ Երիտասարդաց Միութեան կողմէն, հովանաւորութեամբ Բերիոյ Հայոց Թեմի Բարեջան Առաջնորդ Գերշ. Տէր Մասիս Սրբ. Եպս. Զօպուեանի, տեղի ունեցաւ Ուրբաթ, 29 Մայիս 2020-ին, յետմիջօրէի ժամը 6:00-ին։

Նախքան հանդիսութիւնը, եկեղեցւոյ մէջ տեղի ունեցաւ հոգեհանգստեան պաշտօն՝ ի յիշատակ մայիսեան յաղթանակներու նահատակներուն:
Ապա տօնակատարութեան բացումը կատարուեցաւ սրահին մէջ, սուրիական եւ հայկական զոյգ քայլերգներով, որոնցմէ ետք բացման խօսքով հանդէս եկաւ Լուսին Ապաճեան-ՉիլԱբօշեան։ Ան իր խօսքին ընդմէջէն լուսարձակի տակ առաւ մայիսեան յաղթանակներուն դերն ու կարեւորութիւնը մեր գերագոյն նպատակին՝ Ազատ, Անկախ եւ Միացեալ Հայաստանի կերտման ճամբուն վրայ, ինչպէս նաեւ նման ձեռնարկներ կարեւոր համարեց անկախութեան սերունդի աւանդներով ներշնչելու հայ երիտասարդութիւնը: Հանդիսութիւնը շարունակուեցաւ Ժագ Յակոբեանի «Յաղթերգութիւն» բանաստեղծութեան Ռիթա Կաղեան-Տիքպիքեանի տպաւորիչ ասմունքով:

Ասմունքին յաջորդեց Մարիա Չիթչեանի «Ե՛լ, Գէո՛րգ», «Հայ Քաջեր» եւ «Հայոց Բանակ» հայրենասիրական երգերու ջինջ կատարումը:

Օրուան բանախօսն էր Համազգայինի Շրջ. Վարչութեան անդամ Յուշիկ Ղազարեան, որ անդրադառնալով յատկապէս պատմութեան ըմբռնման կարեւորութեան, Արամ Մանուկեանի հսկայական դերին ՀՀ Անկախութեան կերտման մէջ, ինչպէս նաեւ ներկայ ժամանակաշրջանին իր նմաններուն անհրաժեշտութեան, դիտել տուաւ, որ «Մենք ազգովին տակաւին բնաջնջման անդունդին եզրին կը քալենք եւ մեր պարտքն է ըլլալ աչալուրջ եւ զգօն»:
Տօնակատարութիւնը շարունակուեցաւ «Զուարթնոց» երգչախումբի «Հողին Երգը» եւ «Սասուն» երգերով, գեղ. ղեկավարութեամբ Գայիանէ Սիմոնեան-Տէրեանի, դաշնամուրի ընկերակցութեամբ Ռուզան Պարսումեանի, ապա սրբազան հայրը ներկայացուց օրուան եզրափակիչ պատգամը՝ յիշելով, թէ ինչպէ՛ս դարեր շարունակ որբ ու անտէր մնացած ժողովուրդը, իր ղեկավարութեան պայքարունակ ոգիին շնորհիւ, տիրացաւ իր անկախութեան ու քայլ առ քայլ պետականաշինութեան լծուեցաւ։ Սրբազան հայրը լուսարձակի տակ առաւ նաեւ Հայաստան, Արցախ, Սփիւռք եռամիասնութեան կարեւորութիւնը:

Աւարտին «Զուարթնոց» երգչախումբը ներկայացուց «Սարդարապատ» երգը, որմէ ետք սրբազան հայրը «Պահպանիչ»ով փակեց հանդիսութիւնը:

Մանրամասնութիւնները՝ «Գանձասար»ի Յունիս Ա. համարով։

Ճեմարանին հետ
9 Հուլիսի 2020, 16:22 Ճեմարանին հետ
yerkir.am
Ամենաշատ ընթերցվածները
Yandex.Metrica