close
Եղանակը Երևանում
3 Հուլիսի 2020
+28°
+30°Ցերեկ
+17°Գիշեր
weather
close
Փոխարժեք
3 Հլս 2020
USD1483.36
GBP1604.97
EUR1545.47
RUB16.88
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եղել են թաղման, հոգեհանգստի դեպքեր, երբ մեկ ասիմպտոմ վարակակիրը մի ամբողջ գյուղ վարակել է. Արտավազդ Վանյան

Առողջապահություն

29 Մայիսի 2020, 18:51
 Եղել են թաղման, հոգեհանգստի դեպքեր, երբ մեկ ասիմպտոմ վարակակիրը մի ամբողջ գյուղ վարակել է. Արտավազդ Վանյան

Կորոնավիրուսով պայմանավորված այսօր ունենք բավականին լարված համաճարակային իրավիճակ: Այս մասին այսօր պարետատան նիստից հետո ճեպազրույցի ժամանակ նշեց ՀՀ ԱՆ «Հիվանդությունների վերահսկման և կանխարգելման ազգային կենտրոն» ՊՈԱԿ-ի գլխավոր տնօրեն Արտավազդ Վանյանը:

Նա նշեց, որ ի սկզբանե, հակահամաճարակային միջոցառումներն իրականացրել են այն ուղղությամբ, որ հայտնաբերեն բոլոր հիվանդներին, որպեսզի արագ հայտնաբերման դեպքում կանխարգելեն վարակի տարածումը:

«Ինչպես այլ երկրներ, հայաստանն էլ կիրառեց որոշակի սահմանափակումներ, որը նվազեցնում է շփումները, բայց այդ միջոցը հնարավոր չէ երկարատեւ իրականացնել: Դրա համար մենք այսօր առաջարկում ենք երեք կանխարգելիչ ուղղություններ: Առաջին՝ իրականացնելու ենք հիվանդների վաղ հայտնաբերում, նրանց հետ շփվածների հայտնաբերում եւ ինքնամեկուսացում: Սա հնարավորություն է տալիս որոշակի առումով տարածումը կանխարգելել:

Երկրորդը մեր տնտեսվարողներն են, որտեղ հավանականությունը շատ մեծ է, որ վարակն արագ տարածվում է, եւ մենք կոչ ենք անում սահմանված կանոնների պահպանում: Պետք է ձեւավորվի մշակույթ, քանի որ կորոնավիրուսը դեռ երկար առկա է լինելու:

Եվ ամենակարեւորը, մեր բնակչությունն է, որին կոչ ենք անում կրել դիմակ, պահպանել սոցիալական հեռավորությունը եւ պահպանել ձեռքերի հիգիենան: Այս երեքը պահպանելով մենք ամբողջովին նվազեցնում ենք վարակման ռիսկը»,-ասաց նա:

Վանյանն անդրադարձավ նաեւ մի քանի դեպքերի. «Վերջին դեպքերը ցույց տվեցին, մասնավորապես, թաղման, հոգեհանգստի, նաեւ խնջույքերի դեպքերը, փոքրիկ բռնկումների բերեցին: Անգամ եղել են թաղման եւ հոգեհանգստի դեպքեր, երբ մահացած անձը որեւէ կապ չի ունեցել կորոնավիրուսի հետ, մի ամբողջ գյուղ վարակվել է այդ հոգեհանգստի ժամանակ: Ընդամենը մեկ հիվանդի դեպքում, որն ախտանիշներ չի ունեցել, մի ամբողջ գյուղ հիվանդներ ունենք:

Նույնը խնջույքի դեպքում: Մենք ունեինք մանկապարտեզի աշխատող Սյունիքի մարզում, պարզվեց, որ ընդամենը 7 հոգանոց ծննդյան միջոցառման մասնակիցներից 6-ը դրական արդյունք էր տվել: Մարդիկ կարծելով, որ ախտանշաններ չկան, ինքն առողջ է, վարակել էր բոլորին: Այս օրինակները վկայում են, որ վիրուսը շատ արագ տարածվում է»:

Նավթի գներն աճել են
3 Հուլիսի 2020, 12:34 Նավթի գներն աճել են
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica