close
Եղանակը Երևանում
14 Հուլիսի 2020
+23°
+29°Ցերեկ
+18°Գիշեր
weather
close
Փոխարժեք
14 Հլս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Դուք եք մեր բոլորի հույսը․ Արմեն Մուրադյանը օրդինատորներին խնդրում է միանալ COVID19-ի դեմ պայքարին

Առողջապահություն

27 Մայիսի 2020, 21:36
 Դուք եք մեր բոլորի հույսը․ Արմեն Մուրադյանը օրդինատորներին խնդրում է միանալ COVID19-ի դեմ պայքարին

ԵՊԲՀ ռեկտոր Արմեն Մուրադյանը ֆեյսբուքյան իր էջում գրառմամբ անեսթեզիոլոգիա և ռեանիմատոլոգիա մասնագիտությունն ընտրած կլինիկական օրդինատորներին խնդրել է միանալ COVID19-ի դեմ պայքարին։

«ԽՆԴՐԱՆՔ

Հարգարժան կոլեգաներ, ամենաբարդ, ամենապատասխանատու և ամենահամարձակ մասնագետներ, մեր թանկագին անեսթեզիոլոգիա և ռեանիմատոլոգիա մասնագիտությունն ընտրած կլինիկական օրդինատորներ, խնդրում եմ ու հորդորում եմ յուրաքանչյուրիդ՝ միացեք COVID19-ի դեմ պայքարին` աշխատելով այն բուժհաստատություններում, որտեղ ձեր կարիքն այսօր ունեն մեր պրոֆեսիոնալ բուժաշխատողները։

Տեղեկացնում եմ Ձեզ, որ Բժշկական համալսարանը Պարետատուն է ներկայացրել Ձեր տվյալները, այս պահին Դուք եք բժշկական «արտադրական» կարևորագույն, հզորագույն շարժիչ ուժը ու մեր բոլորի հույսը:

Խնդրում եմ, միացեք մեր Բժիշկներին, Ձեր կարիքն ունենք բոլորս․․․

Ժամանակն է եկել, ևս մեկ անգամ աշխարհին ապացուցելու, որ «Հերացի» անունը կրող բուհի շրջանավարտն ամենազորողն է ու ամենակատարյալը:

Մեր ուսումնառության ընթացքում մեզ սովորեցրել են հոգատարությամբ վերաբերվել մեր պացիենտներին, մենք գիտեինք և գիտակցել ենք, որ ընտրում ենք մի ճանապարհ, որը չպետք է լինի նյութապաշտության դաշտում, մենք պարտավոր ենք այսօր ծառայել մեր հասարակությանը՝ այլընտրանք պարզապես չունենք:

Գեթ 1 րոպե չեմ կասկածում, որ հաղթելու ենք այս չարիքին՝Covid 19-ին, քանի որ անձամբ պատիվ եմ ունեցել ճանապարհ անցնել այն մարդկանց հետ, որոնք այսօր առաջնագծում կռվում եմ: Խոնարհվում եմ նրանցից յուրաքանչյուրի առաջ, նրանք մշտապես անգնահատելի, անմնացորդ ծառայել են ու ծառայում են Հայաստանի Հանրապետությանը։ Հաղթանակի պահը մոտեցնելու համար անհրաժեշտ է մեր բոլորիս ջանքերի միավորումը, խնդրում եմ Ձեզ միացեք, դարձեք հենասյուն, օգնեք այս պատերազմը հաղթենք։

Վստահ եմ՝ կկարդաք ու կմտածեք խնդրանքիս շուրջ ու կմիանաք կորոնավիրուսի դեմ պայքարող մեր Բուժաշխատողներին։

Հ․ Գ․ Հավելեմ, որ արդեն իսկ 9 մասնագետ՝ Միքայելյան համալսարանական հիվանդանոցից` 3, Հերացի թիվ 1 համալսարանայան հիվանդանոցից` 3, Հայրենիքի պաշտպանի վերականգնողական կենտրոնից 3 անեստեզիոլոգներ և ռեանիմատոլոգներ միացել են Covid 19-ի դեմ պայքարին՝ հատուկ նախատեսված բուժհաստատություններում:

Միացեք նրանց, կրկին ԽՆԴՐՈՒՄ ԵՄ: Առողջ ու խաղաղ ապրելու իրավունքը մեր ժողովուրդը վաստակել է: Մենք լինելու ենք առողջ ու ապրելու ենք համաճարակը հաղթահարած, խաղաղ երկրում:

Հարգանքներս` Յուրաքանչյուրիդ !!!»,- գրել է նա։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica