close
Եղանակը Երևանում
16 Հուլիսի 2020
+18°
+29°Ցերեկ
+17°Գիշեր
weather
close
Փոխարժեք
16 Հլս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Վրաստանն այսօր նշում է Անկախության օրը

Տարածաշրջան

26 Մայիսի 2020, 12:16
 Վրաստանն այսօր նշում է Անկախության օրը

Այսօր՝ մայիսի 26-ին, Վրաստանը նշում է Անկախության օրը. այս մասին հայտնում է 1tv․ge-ն։

Ազգային խորհրդի որոշմամբ՝ 1918 թվականի մայիսի 26-ին Վրաստանը հռչակվել է անկախ հանրապետություն: Հանրապետության նախագահ է ընտրվել Նոե Ժորդանիան: 1918 թվականի մայիսի 26-ին ընդունել են «Վրաստանի պետական անկախության մասին» արձանագրությունը:

Կայքի հավաստմամբ՝ «Վրաստանի Ժողովրդավարական Հանրապետությունը, որի անկախությունը ճանաչել էին Եվրոպայի առաջատար երկրները, դադարել է գոյություն ունենալ Խորհրդային Ռուսաստանի կողմից իրականացված բռնազավթումից հետո: Վրաստանին հաջողվել է անկախությունը վերականգնել 70 տարի անց՝ 1991 թվականի ապրիլի 9-ին»։ 

Այս տարի կորոնավիրուսի համավարակով պայմանավորված՝ Վրաստանի Անկախության օրվան նվիրված մասշտաբային միջոցառումներ չեն անցկացվի, սակայն մայիսի 26-ը տոնական միջոցառմամբ կնշվի պաշտպանության ուժերի բոլոր հետևակային բրիգադներում: Գլխավոր միջոցառումը կանցկացվի Վազիանիի 4-րդ մեխանիզացված բրիգադի հրապարակում:

Պաշտոնական միջոցառման մեկնարկից առաջ Վրաստանի իշխանության ներկայացուցիչները կհարգեբ Վրաստանի անկախության և տարածքային ամբողջականության համար պայքարում զոհված հերոսների հիշատակը։

Ելույթ կունենան Վրաստանի նախագահը, վարչապետը, խորհրդարանի նախագահը և պաշտպանության նախարարը, որից հետո տեղի կունենա զինծառայողների պարգևատրման արարողություն:

ՀՀ-Վրաստան երկկողմ հարաբերություններ

Հայաստանի Հանրապետության և Վրաստանի միջև դիվանագիտական հարաբերությունները հաստատվել են 1992թ. հուլիսի 17-ին:

Հայաստանի Հանրապետության դեսպանությունը սկսել է գործել Թբիլիսիում 1993թ. հուլիսից:

2008թ. ապրիլին Բաթումիում հիմնվել է ՀՀ գլխավոր հյուպատոսությունը:

Հայաստանի և Վրաստանի բարձրագույն օրենսդիր մարմինների համագործակցության և օրենսդրության ներդաշնակեցման նպատակով ձևավորված է միջխորհրդարանական բարեկամական խումբ:

Տնտեսական համագործակցության խորացման նպատակով գործում է ՀՀ և Վրաստանի միջև տնտեսական համագործակցության միջկառավարական հանձնաժողով, որի վերջին նիստը տեղի է ունեցել 2019թ. հունիսի 26-27-ին Երևանում:

Հայաստանի և Վրաստանի միջև գործում է նաև հայ-վրացական պետական սահմանի սահմանագծման և սահմանազատման հանձնաժողով:

2013թ. աշնանը ձևավորվել է հայ-վրացական առևտրատնտեսական հարցերով համատեղ աշխատանքային խումբ, որի նիստերը գումարվել են 2014թ. մարտին և դեկտեմբերին։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica