close
Եղանակը Երևանում
24 Նոյեմբերի 2020
+16°
+27°Ցերեկ
+15°Գիշեր
weather
close
Փոխարժեք
24 Նմբ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ավստրիայի նախագահը խախտել է կարանտինը. նա մինչև ուշ երեկո ռեստորանում է եղել

Աշխարհ

25 Մայիսի 2020, 09:32
 Ավստրիայի նախագահը խախտել է կարանտինը. նա մինչև ուշ երեկո ռեստորանում է եղել

Ավստրիայի ոստիկանությունը տեսել է երկրի նախագահ Ալեքսանդր Վան դեր Բելենին ռեստորանում պաշտոնապես թույլատրված ժամից հետո. այս մասին գրում է DW-ը։

Նշվում է՝ կիրակի երկրի նախագահը գտնվել է ռեստորանում իր տիկնոջ հետ եւ, իր իսկ խոսքով, «տարվել է խոսակցությամբ եւ չի նկատել, թե ինչպես է անցել ժամանակը»։

Հիշեցնենք՝ կորոնավիրուսային համավարակի ֆոնին ընդունված սահմանափակումների պատճառով Ավստրիայում ռեստորանները, ակումբներն ու սրճարանները պետք է փակվեն ոչ ուշ, քան 23:00-ը։ Այցելուներին թույլատրվում է շարունակել նստել սեղանների շուրջ նաեւ ավելի ուշ, սակայն մատուցողներին արգելվում է նրանց սպասարկել։

Երբ ոստիկանությունը մուտք է գործել Վիենայի կենտրոնում գտնվող «Sole» իտալական ռեստորան, նախագահի սեղանին դրված են եղել ըմպելիքներ։ Հենց դա է գնահատվել որպես խախտում, որի համար քաղաքական գործիչը ներողություն է խնդրել։

Քաղաքական գործչի համար միջադեպը կանցնի անհետեւանք, իսկ ռեստորանի սեփականատիրոջը վատագույն դեպքում սպառնում է տուգանք 30 000 եվրոյի չափով։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica