close
Եղանակը Երևանում
22 Սեպտեմբերի 2020
+16°
+27°Ցերեկ
+15°Գիշեր
weather
close
Փոխարժեք
22 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հարուցվել է քրեական գործ՝ Երևան քաղաքի 67-ամյա բնակչի մահվան դեպքի առթիվ

Հասարակություն

22 Մայիսի 2020, 23:51
 Հարուցվել է քրեական գործ՝ Երևան քաղաքի 67-ամյա բնակչի մահվան դեպքի առթիվ

2020թ. մայիսի 21-ին՝ ժամը 16:00-ին, «Շտապբուժօգնություն» ծառայության 5-րդ ենթակայանից ՀՀ ոստիկանության Նոր Նորքի բաժին հաղորդում է ստացվել այն մասին, որ ստացված կանչով «Շտապբուժօգնություն» ծառայության 54-րդ բրիգադը մեկնել է Երևան քաղաքի Նոր Նորքի 5-րդ զանգվածի Միկոյան փողոց, որտեղ հայտնաբերել է խոտ հնձող մեքենայից ստացված վնասվածքից մահացած քաղաքացու դին:

Նույն օրը կատարված դեպքի վայրի զննությամբ Երևան քաղաքի Նոր Նորքի 5-րդ զանգվածի Միկոյան փողոցի շենքերից մեկի դիմաց՝ ճանապարհի եզրին կայանված «ГАЗон NЕXT» մակնիշի աղբատար ավտոմեքենայի բաց վիճակում գտնվող բեռնախցում, հայտնաբերվել է Երևան քաղաքի՝ 1953թ. ծնված բնակչի դին՝ գլուխը քթի հիմնի շրջանից անհարթ եզրերով հատած վիճակում, իսկ նույն ավտոմեքենայի հետնամասում՝ գետնի վրա, հայտնաբերվել է գլխի թաղային հատված՝ գլխուղեղի հետ միասին:

Դեպքի առթիվ 2020թ. մայիսի 21-ին ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 109-րդ հոդվածի (անզգուշությամբ մահ պատճառելը) 1-ին մասով, որի նախաքննության կատարումը հանձնարարվել է քննչական խմբին:

Նախաքննության ընթացքում պարզվել է դեպքի ժամանակ վերոնշյալ ավտոմեքենան շահագործող աշխատակցի ինքնությունը, և նրա նկատմամբ ընտրվել է խափանման միջոց՝ ստորագրություն չհեռանալու մասին:

Նախաքննության ընթացքում հարցաքննվել են մի շարք անձինք, նշանակվել է դիակի դատաբժշկական փորձաքննություն:

Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica