close
Եղանակը Երևանում
12 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
12 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գոգյանի տարածած ապատեղեկատվությունը ատենախոսությանս մասին

Քաղաքական

22 Մայիսի 2020, 18:23
 Գոգյանի տարածած ապատեղեկատվությունը ատենախոսությանս մասին

Ընդհանուր առմամբ, ատենախոսությունների վերագնահատման ձախողված փորձերի մասին չափից շատ է խոսվել: Իրականում առկա այդ գործընթացները աղերս չունեն գիտության զարգացման և առավել ևս՝ «բարեփոխում» եզրույթի հետ: Դրանք հետապնդում են բոլորովին այլ իրական նպատակներ:

Ինչ վերաբերում է իմ ատենախոսության վերաբերյալ Սմբատ Գոգյանի տարածած ապատեղեկատվությանը, ապա կարող ենք արձանագրել հետևյալը.

1.    Ատենախոսությանս վերաբերյալ իր դիտարկումը ԲՈԿ նախագահը ներկայացրել է՝ չունենալով օրենքով և ԲՈԿ կանոնադրությամբ նախատեսված իրավական հիմք, լիազորություն, գործող օրենսդրությամբ սահմանված չեն այդ գործընթացի իրականացման կանոնակարգը և պետական չափանիշները: Այս ամենի մասին ինքը ևս բազմիցս բարձրաձայնում է և հայտնել է գրավոր դիրքորոշում:

2.    Նրա դիտարկումը բովանդակում էր նաև ակնհայտ սուտ տեղեկատվություն, որի հիմքերի պահպանումը ԲՈԿ-ի հիմնական գործառույթն է. 2002 թվականին ես պաշտպանել եմ թեկնածուական ատենախոսություն «Տնտեսագիտության տեսություն» մասնագիտական շիֆրով, այլ ոչ թե «Միջազգային տնտեսագիտություն» շիֆրով:

3.   Ականավոր բազմաթիվ գիտնականներ են իմ ատենախոսության վերաբերյալ տվել դրական կարծիքներ՝ առարկայական հիմնավորումներով:

4.   Իսկ իմ ատենախոսության վերագնահատման վերաբերյալ նույնիսկ առկա չէ մասնագիտական որևէ հանձնաժողովի եզրակացություն, որը գոնե առկա է եղել Գոգյանի կողմից հնչեցվող մյուս դեպքերում: Հետևաբար, անբացատրելի է առանց մասնագիտական տեսակետների՝ Գոգյանի հայտարարությունը, թերևս, եթե դա պայմանավորված չէ բոլորովին այլ՝ նեղ շահերով:

Ես շարունակում եմ իմ գիտա-մանկավարժական և մասնագիտական աշխատանքը, զբաղված եմ ինձ համար հաճելի և հանրօգուտ գործերով: Երբ կլինեն հաստատված ատենախոսությունները վերագնահատելու՝ օրենքով սահմանված հիմքեր, իրավասու պետական մարմին, անհրաժեշտ կանոնակարգեր և պետական չափանիշներ և ըստ այդմ կնախաձեռնվի համապատասխան գործընթաց, տասնյակ հազարավոր գիտնականների նման՝ ես էլ եմ պատրաստ անցնել այդ գործընթացով:

Թադևոս Ավետիսյան

տնտեսագիտության թեկնածու, դոցենտ,

իրավագիտության մագիստրոս

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica