close
Եղանակը Երևանում
25 Նոյեմբերի 2020
+16°
+27°Ցերեկ
+15°Գիշեր
weather
close
Փոխարժեք
25 Նմբ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՀՅԴ ՀԳՄ շնորհավորական ուղերձը Շուշիի ազատագրման 28-ամյակի առթիվ

Քաղաքական

8 Մայիսի 2020, 10:47
 ՀՅԴ ՀԳՄ շնորհավորական ուղերձը Շուշիի ազատագրման 28-ամյակի առթիվ

Սիրելի հայրենակիցնե՛ր,

1992 թ. մայիսի 8-ից 9-ը հայկական մարտական ուժերի ռազմական եզակի գործողության արդյունքում ազատագրվեց Շուշին՝ դառնալով Արցախյան ազատամարտի բեկումնային  և անշրջելի հանգրվանը: Շուշին հայ ժողովրդի հավաքական երազանքների, ազատագրական պայքարի և քաղաքական արժանապատվության  պսակն էր, Հայոց անկախ պետականության կերտման ճանապարհին վավերական արժեք: 

Մեր հաղթանակն արդյունքն էր հայ ժողովրդի հավաքական նվիրումի, ռազմական տաղանդի և պայմանավորված էր պատմական արդարությունը վերականգնելու, հայ ժողովրդի քաղաքական իրավունքներն իրացնելու աներեր կամքով:

Շուշիի հաղթանակով ծնվեց Արցախի Հանրապետության պաշտպանության բանակը, որը շարունակում է լինել ազատ և անկախ Արցախի անվտանգության երաշխավորը:

Մեր ազատագրական պայքարի խորհրդանիշ Շուշին այսօր, ավելի քան երբեք, հաստատում է այն ճշմարտությունը, որ մեր վերջնական հաղթանակը կոփվում է միայն համազգային միասնականությամբ, զարգացող և կայուն պետականությամբ: 

Արցախյան ազատամարտով, հազարավոր հայորդիների արյամբ նվաճված Արցախի Հանրապետության անկախությունն անշրջելի է: Այն  Արցախի, առհասարակ, հայ ժողովրդի  անվտանգության և զարգացման գրավականն է ու երաշխավորը: Արցախի ժողովուրդն իրացրել է իր քաղաքական կամքն ու ինքնորոշման իրավունքը, որը ենթակա չէ ո՛չ սակարկումների, ո՛չ զիջումների: Սա՛ է հզոր, արդար և միացյալ Հայաստան կերտելու ՀՅԴ տեսլականը:

Հայրենիքի ազատագրության մարտերում զոհված քաջորդիներ, մեր խոնարհումը ՁԵԶ: 

Սիրելի՛ հայրենակիցներ, 

Շնորհավորում ենք Շուշիի ազատագրման 28-ամյակի և Արցախի Հանրապետության պաշտպանության բանակի կազմավորման առթիվ:

ՀՅԴ Հայաստանի Գերագույն մարմին, 

Մայիս 8, 2020 թ. 

Համաներո՞ւմ
24 Նոյեմբերի 2020, 20:12 Համաներո՞ւմ
ՈՒՂԻՂ. ՔՊ-ն նիստ է հրավիրել
24 Նոյեմբերի 2020, 17:00 HES_VIDEOՈՒՂԻՂ. ՔՊ-ն նիստ է հրավիրել
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica