close
Եղանակը Երևանում
13 Հուլիսի 2020
+20°
+28°Ցերեկ
+19°Գիշեր
weather
close
Փոխարժեք
13 Հլս 2020
USD1486.73
GBP1613.77
EUR1549.62
RUB16.84
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայկական Երեսփոխանական Պլոքը Կոչ Ուղղեց Քաղաքական Բոլոր Կողմերուն

Սփյուռքի ձայնը

30 Ապրիլի 2020, 13:14
 Հայկական Երեսփոխանական Պլոքը Կոչ Ուղղեց Քաղաքական Բոլոր Կողմերուն

Հայկական երեսփոխանական պլոքը 29 ապրիլին գումարեց ժողով մը` գլխաւորութեամբ Հայկական երեսփոխանական պլոքի եւ ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունիի եւ մասնակցութեամբ պլոքի անդամ երեսփոխաններ Յակոբ Թերզեանի եւ Ալեքսանտր Մաթոսեանի, ինչպէս նաեւ նախկին նախարար Աւետիս Կիտանեանի:

Ժողովականները առաջին հերթին քննարկեցին «Քորոնա»-ի համաճարակին պատճառով ստեղծուած կացութիւնը, անոր ազդեցութիւնը լիբանանցիներուն վրայ եւ իրենց գնահատանքը յայտնեցին այս գծով պետութեան առած քայլերուն, անոնք նաեւ անդրադարձան այս ուղղութեամբ «Քորոնա»-ի ճգնաժամային շտապին կատարած աշխատանքներուն:

Պլոքի անդամները արծարծեցին նաեւ երկրի ընկերային, տնտեսական եւ ապրուստի ծանր պայմաններուն, լիբանանեան դրամանիշի արժեզրկման, սղաճին եւ անգործութեան վերաբերող հարցեր, որոնք իրենց ծանր անդրադարձը կ՛ունենան լիբանանցիին վրայ: Այս առիթով պլոքը կոչ ուղղեց պետութեան` փտածութեան դէմ պայքարի եւ պետութենէն կողոպտուած գումարներու վերադարձի անհրաժեշտ օրինագիծեր մշակելու եւ գործնական քայլերու դիմելու: Պլոքը նաեւ շեշտեց կառավարութեան տնտեսական, բարեկարգչական ծրագիրի անյապաղ որդեգրման կարեւորութիւնը` ստեղծուած մտահոգիչ կացութեան առաջքը առնելու համար:

Հայկական երեսփոխանական պլոքը իր հասկացողութիւնը յայտնեց ժողովրդային բողոքի շարժումին նկատմամբ, որ կը պահանջէ քաղաքացիներու արժանապատիւ կեանքի ապահովման, տարրական իրաւունքներու յարգում: Պլոքը միաժամանակ զգուշացուց` ժողովրդային շարժումի ճամբով երկրին ապահովական կացութիւնը խախտելու փորձերէն եւ կոչ ուղղեց` յարգելու «Քորոնա»-էն պաշտպանուելու համար ընկերային հեռաւորութեան եւ նախազգուշական այլ միջոցառումներու որդեգրման անհրաժեշտութիւնը:

Երեսփոխանական պլոքը դրուատեց «Քորոնա»-ի համաճարակի դիմագրաւման համար միութիւններու եւ ազգային կառոյցներու ի գործ դրած ճիգերը, որոնք արտակարգ դրութեան այս օրերուն կը ջանան օժանդակել ընկերային անապահով ընտանիքներու:

Վերջապէս, Հայկական երեսփոխանական պլոքը կոչ ուղղեց քաղաքական բոլոր կողմերուն` ցուցաբերելու պատասխանատուութեան առաւելագոյն գիտակցութիւն եւ ընթացք չտալու քաղաքական սուր բանավէճերու եւ հակադրութիւններու, նաեւ ժողովուրդին առօրեայ ապրուստին կապուած հարցերը չշահագործելու իրենց անձնական ճղճիմ շահերուն համար:

aztagdaily.com

yerkir.am
Ամենաշատ ընթերցվածները
Yandex.Metrica