close
Եղանակը Երևանում
1 Հունիսի 2020
+15°
+28°Ցերեկ
+16°Գիշեր
weather
close
Փոխարժեք
1 Հնս 2020
USD1483.91
GBP1597.53
EUR1533.66
RUB16.83
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Հետագա 10 օրերին սահմանափակումներն ավելի են խստացվելու․ պարետ

Քաղաքական

31 Մարտի 2020, 17:38
 ՏԵՍԱՆՅՈՒԹ․ Հետագա 10 օրերին սահմանափակումներն ավելի են խստացվելու․ պարետ

Հետագա 10 օրերին կարող է մարտավարություն փոխվել, սահմանափակումներն ավելի են խստացվելու՝ ըստ Yerkir.am-ի ասաց ՀՀ պարետ, փոխվարչապետ Տիգրան Ավինյանը։

«Վերահսկողությունը պետք է ավելի էֆեկտիվ դարձնենք, Ոստիկանության ուժերին միացնելու ենք, այլ կառույցներից տարբեր ուժեր, որովհետև ծանր աշխատանք է»,- մանրամասնեց նա։

Գործունեության ու տեղաշարժի սահմանափակումները ևս  10 օրով երկարաձգելը, Ավինյանի խոսքով, թույլ է տալու կանխարգելման և մեկուսացման աշխատանքներն էլ ավելի արդյունավետ դարձնել։ Զուգահեռ՝ զարգացնելու են տեխնոլոգիական վերահսկողությունը, ավելացնելու են թեսթավորումները և նվազեցնելու են սասհմանափակումները։

Այս փուլում, պարետի խոսքով, իրականացնելու են ազատ տեղաշարժի հնարավոր բոլոր սահմանափակումները․ «Կիրառելու ենք տարբեր տույժեր ու տուգանքներ»։

Նա նշեց, որ առաջնային է հանրային առողջության խնդիրը, վարակի տարածումը կանխարգելելը, տնտեսական բլոկի հարցերը շարունակաբար ընթանում են վարչապետի գլխավորությամբ և փորձելու են հնարավորինս լայն շրջանակի մարդկանց ընդգրկել այդ ծրագրերում։  

«Կանխարգելման աշխատանքները՝ տեղաշարժի, գործունեության տեսակների սահմանափակումները մի նպատակ ունեն՝ վարակի տարածման ինտենսիվությունը նվազեցնել, որ այդ թիվը լինի 1-ից քիչ։ Մենք ունենք աշխատանքի 2 բլոկ՝ Համաճարակների վերահսկման և կանխարգելման ազգային կոնտրոնի գործունեությունը, որը շփման շրջանակը է հայտնաբերելն ու անձանց մեկուսացնելն է և երկրորդ բլոկը գործունեության տեսակների և մարդկանց տեղաշարժի սահմանափակումներն են․ այս երկու բլոկների ներգործությունը տալու են դրական արդյունք»,-ասաց Տիգրան Ավինյանը՝ հավելելով, որ փորձում են անընդհատ տեխնոլոգիապես զարգացնել այս գործիքները․ որոնց թվում էր նաև ԱԺ-ում տապալված օրինագիծը մարդկանց անձնական տվյալների պաշտպանվածությունը խախտելու մասին։

Մանրամասն՝ տեսանյութում․

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica