close
Եղանակը Երևանում
1 Հունիսի 2020
+15°
+28°Ցերեկ
+16°Գիշեր
weather
close
Փոխարժեք
1 Հնս 2020
USD1483.91
GBP1597.53
EUR1533.66
RUB16.83
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայաստանն ու ևս 4 պետություն միացել են Թուրքիայի դեմ ԵՄ պատժամիջոցներին

Տարածաշրջան

31 Մարտի 2020, 16:58
 Հայաստանն ու ևս 4 պետություն միացել են Թուրքիայի դեմ ԵՄ պատժամիջոցներին

Հայաստանը, Հյուսիսային Մակեդոնիան, Չերնոգորիա, Ալբանիան և Իսլանդիան միացել են Թուրքիայի դեմ Եվրամիության պատժամիջոցներին։ Պատժամիջոցների պատճառը Կիպրոսի ջրային տարածքներում և տնտեսական գոտում Թուրքիայի կողմից իրականացվող ապօրինի որոնողակա, հորատման աշխատանքներն են։ Այս մասին, ըստ «ՏԱՍՍ» գործակալության, նշված է ԵՄ արտաքին հարաբերությունների գծով բարձր ներկայացուցիչ Ժոզեպ Բորելի հայտարարության մեջ. հայտնում է Yerkir.am-ը։

«Թեկնածու-երկրներ (ԵՄ անդամագրության համար) Հյուսիսային Մակեդոնիան, Չերնոգորիան և Ալբանիան, ԵՄ տնտեսական գոտում գտնվող Իսլանդիան, ինչպես նաև Հայաստանը միացել են ԵՄ որոշմանը։ Նրանք կապահովեն, որ իրենց ազգային քաղաքականությունը համապատասխանի ԵՄ որոշմանը։ ԵՄ-ն ողջունում է դա», - նշում է Բորելը։

ԵՄ-ն դեռևս փետրվարի վերջին ընդլայնել էր Թուրքիայի դեմ պատժամիջոցները։

Կիպրոսի ջրային տարածքում հայտնաբերվել էին բնական գազի խոշոր պաշարներ։ Ի պատասխան Թուրքիայի գործողությունների՝ դեռ 2019 թ. սեպտեմբերին Կիպրոսը ֆրանսիական Total և իտալական Eni ընկերությունների հետ համաձայնության էին եկել Կիպրոսի ջրերի 7-րդ սեկտորում համատեղ աշխատանքների շուրջ, սակայն Թուրքիան հոկտեմբերին այնտեղ ուղարկեց սեփական հորատող նավը՝ ռազմանավերի ուղեկցությամբ։

Թուրքիան Կիպրոսի ջրեր է ուղարկել երկու հորատող նավ՝ Ֆաթիհ և Յավուզ, և մեկ սեյսմիկ աշխատանքների իրականացնող Բարբարոսա Հայրեդդին Փաշա նավը։ Ի դեպ՝ նավերի անունները պատահական չեն ընտրված. Ֆաթիհը (նվաճող)՝ Կոստանդնուպոլիսը գրաված Մեհմեդ Ֆաթիհ սուլթանի, Յավուզը (Ահեղ) Մեքքան, Մեդինան և Եգիպտոսը գրաված սուլթանի՝ Սելիմ Յավուզի, իսկ սեյսմիկ աշխատանքներ տանող նավը Օսմանյան կայսրության հայտնի ծովային հրամանատար, ծովահեն Հայրեդդին փաշայի պատվին է անվանակոչվել։

Թուրքիան հայտարարում է, որ այդ ջրային տարածքներում իրավունքներ ունեն նաև կիպրոսցի թուրքերը և իր գործողություններն արդարացնում է նրանով, որ հայտարարում է միայն Թուրքիայի կողմից ճանաչված Հյուսիսային Կիպրոսի թուրքական հանրապետության հետ կնքված պայմանագրի մասին, որով էլ «իրավունք» է ստանում գործունեություն ծավալել այդ տարածքներում։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica