close
Եղանակը Երևանում
4 Հունիսի 2020
+23°
+28°Ցերեկ
+15°Գիշեր
weather
close
Փոխարժեք
4 Հնս 2020
USD1482.38
GBP1607.22
EUR1540.89
RUB17.05
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայերը երբեք չեն ընդունի Մադրիդյան ոճով գործարքը. ԱՄՆ Հայ դատի հանձնախմբի հայտարարությունը

Քաղաքական

31 Մարտի 2020, 11:14
  Հայերը երբեք չեն ընդունի Մադրիդյան ոճով գործարքը. ԱՄՆ Հայ դատի հանձնախմբի հայտարարությունը

ԱՄՆ Հայ դատի հանձնախումբը հայտարարությամբ է հանդես եկել երեկ տեղի ունեցած միջադեպի առնչությամբ` նշելով, որ Ադրբեջանի նախագահ Իլհամ Ալիևը գլոբալ համավարակի պայմաններում տարածաշրջանային պատերազմի վտանգ է առաջացնում. հայտնում է Yerkir.am-ը։

Հայտարարությունում, մասնավորապես, ասվում է.

«ՀՀ Տավուշի մարզի նկատմամբ ադրբեջանական անդրսահմանային ագրեսիան (վիրավորվել է 2 զինծառայող, 1 երեխա) հաստատում է երկու իրողություն․

1․ Հայաստանի և Արցախի նկատմամբ ադրբեջանական ագրեսիայի անթիվ ակնհայտ դրսևորումներին դիմակայելու ԵԱՀԿ դժկամությունը՝ հօգուտ կեղծ հավասարության, երբ բոլոր կողմերին կոչ է արվում ձեռնպահ մնալ բռնությունից, ոգևորել է Բաքվին այն աստիճան, որ այն այսօր պատրաստ է դիմել գլոբալ համավարակի պայմաներում տարածաշրջանային պատերազմի ռիսկի։

2․ Հայերը երբեք չեն ընդունի Մադրիդյան ոճով գործարքը, որը պահանջում է Արցախից զիջել ահռելի տարածք, ռազմավարական խորություն, ինքնիշխանություն ու անվտանգություն՝ Ադրբեջանի անորոշ, շրջելի թղթային խոստումների դիմաց»։

Հիշեցնենք՝ երեկ հակառակորդը գնդակոծել էր Տավուշի մարզի Կոթի գյուղը, ավելի վաղ նաև Բաղանիս և Ոսկեւան գյուղերը, վիրավորվել էր 14 տարեկան երեխա։ Միաժամանակ՝ 19:00-ի սահմանում, ադրբեջանական կողմը ձեռնարկել է դիվերսիոն ներթափանցման փորձ Տավուշի մարզի Նոյեմբերյանի շրջանի հայկական դիրքերի ուղղությամբ: Հայկական դիրքապահ ուժերի գործողությունների շնորհիվ հակառակորդը հետ է շպրտվել, կորուստների վերաբերյալ տեղեկությունները ճշտվում են: Հայկական կողմը կորուստներ չունի, գործողությունների հետևանքով թեթև վիրավորում է ստացել երկու զինծառայող: 
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica