close
Եղանակը Երևանում
24 Սեպտեմբերի 2020
+26°
+28°Ցերեկ
+15°Գիշեր
weather
close
Փոխարժեք
24 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կոնկրետ ո՞ր մարմիններն են ունենալու մուտք մշակված անձնական տվյալներին եւ որտեղ են դրանք պահվելու. Շուշան Դոյդոյան

Իրավունք

30 Մարտի 2020, 16:15
 Կոնկրետ ո՞ր մարմիններն են ունենալու մուտք մշակված անձնական տվյալներին եւ որտեղ են դրանք պահվելու. Շուշան Դոյդոյան

«Ինֆորմացիայի ազատության կենտրոնի» հիմնադիր նախագահ Շուշան Դոյդոյանը Facebook-ի իր էջում մի քանի հարց է ներկայացրել եւ կոչ արել դրանք պատգամավորներն ուղղեն կառավարությանը՝ անձնական տվյալներին առնչվող օրինագիծը քննարկելիս:

Նա, մասնավորապես, նշել է.

«Մի քանի հարց, որ կառաջարկեի պատգամավորներին տալ Կառավարությանը անձնական տվյալներին առնչվող օրինագիծը քննարկելիս. 

1.  Կոնկրետ ո՞ր մարմիններն են ունենալու մուտք մշակված անձնական տվյալներին։ Ընդ որում, այդ մարմինների ցանկը պետք է սահմանված լինի օրենքով, ոչ թե կառավարության որոշմամբ, ինչպես նախատեսում է այս նախագիծը։

2.  Նախագիծը սահմանում է, որ մշակված անձնական տվյալները պահվելու են 1 ամիս։ Սա շաաատ երկար ժամկետ է եւ չհիվնավորված։ Պետք է սահմանվի առավելագույնը 3-օրյա ժամկետ տվյալները ոչնչացնելու համար։

3.  Անվտանգության ի՞նչ մեխանիզմներով ու միջոցներով են ապահովելու, որ բացառվեն անձնական տվյալների արտահոսքերը, ինչպես նաեւ երրորդ անձանց մուտքը այդ տվյալներին։

4.  Որտե՞ղ են պահվելու անձնական տվյալները։

5.  եւ ամենաառանցքայինը գուցե այն է, որ բացակայում է կապը մշակվող անձնական տվյալների եւ սահմանված նպատակի միջեւ։

Այս հարցերը կոնկրետ եւ հիմնավորված պատասխաններ են պահանջում այս օրինագիծն ընդունելուց առաջ»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica