close
Եղանակը Երևանում
7 Ապրիլի 2020
+7°
+9°Ցերեկ
+5°Գիշեր
weather
close
Փոխարժեք
7 Ապր 2020
USD1501.55
GBP1616.76
EUR1542.38
RUB16.58
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայաստանի առողջապահության պատմության մեջ տեղի են ունենում աննախադեպ երևույթներ. Գեւորգ Գրիգորյան

Քաղաքական

26 Փետրվարի 2020, 23:15
 Հայաստանի առողջապահության պատմության մեջ տեղի են ունենում աննախադեպ երևույթներ. Գեւորգ Գրիգորյան

ՁԻԱՀ–ի կանխարգելման հանրապետական կենտրոնի փոխտնօրեն Արամ Հակոբյանին քիչ առաջ բերման են ենթարկել ոստիկանության Նոր Նորքի բաժին։ Այս մասին Yerkir.am-ին տեղեկացրեց ուրոլոգ Գեւորգ Գրիգորյանը։

Փոխտնօրեն Արամ Հակոբյանը հրաժարվել էր կենտրոնի կնիքը նորանշանակ տնօրենին փոխանցել։ Ինչն էլ ըստ Գրիգորյանի՝ եղել է նրան բերման ենթարկելու  պատճառը։

«Այս պահին ոստիկանության Նոր Նորքի բաժի բակում հավաքվել են հիմնարկի աշխատակիցները իրենց աջակցությունը հայտնելու փոխտնօրենին»,– նշեց Գրիգորյանը։

Այն ինչ կատարվում է բժիշկների հետ ուրոլոգը խայտառակություն որակեց. «Առողջապահության նախարարի ապօրինի հրամանի արդյունքում Հայաստանի առողջապահության պատմության մեջ տեղի են ունենում աննախադեպ երևույթներ: Ոստիկանությունը և բժիշկները երբեք նման խնդիր չեն ունեցել: Սա խայտառակություն է պետության համար»:

Հիշեցնենք, որ այսօր  ՀՀ ԱՆ ՁԻԱՀ-ի կանխարգելման հանրապետական կենտրոնն իր ֆեյսբուքյան էջում նշել էր, որ Առողջապահության նախարար Արսեն Թորոսյանի հրամանով՝ ՁԻԱՀ-ի կենտրոնի տնօրեն Սամվել Գրիգորյանը 2020 թ. փետրվարի 25-ից ազատվել է աշխատանքից: Նախարարի մեկ այլ հրամանով կենտրոնի ժամանակավոր պաշտոնակատար է նշանակվել Արթուր Բերբերյանը:

Թորոսյանի որոշմամբ՝ նաև ՁԻԱՀ-ի կանխարգելման հանրապետական կենտրոնը եւ «Նորք» ինֆեկցիոն կլինիկական հիվանդանոցը պետք է միավորվեն։ Կենտրոնի աշխատակազմը նախարարի որոշումների հետ համաձայն չէ, ինչի առնչությամբ հայտնել է իր դժգոհությունը։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica