close
Եղանակը Երևանում
5 Ապրիլի 2020
+2°
+16°Ցերեկ
+3°Գիշեր
weather
close
Փոխարժեք
5 Ապր 2020
USD1502.97
GBP1618.25
EUR1543.86
RUB16.56
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պետք չէ լուրջ դեմքով պնդել, թե իրավիճակը ստաբիլ է և վախենալու բան չկա. Արման Աբովյանը՝ կորոնավիրուսի մասին

Քաղաքական

23 Փետրվարի 2020, 15:08
 Պետք չէ լուրջ դեմքով պնդել, թե իրավիճակը ստաբիլ է և վախենալու բան չկա. Արման Աբովյանը՝ կորոնավիրուսի մասին

ԱԺ «Բարգավաճ Հայաստան» խմբակցության պատգամավոր Արման  Աբովյանը ֆեյսբուքյան իր էջում գրառում է կատարել՝ անդրադառնալով Իրանում կորոնավիրուսի տարածմանը: Նա մասնավորապես նշել է, որ պետք է գնալ ժամանակավոր կտրուկ քայլերի և անհապաղ ձեռնարկել լայնածավալ գործողություններ՝ վարակի ներթափանցումը Հայաստան բացառելու համար: Գրառումն ամբողջությամբ՝ ստորև.

«Ասում են` կորոնավիրուսին վերաբերող խուճապ մի տարածեք։ Իհարկե,մասնակի համաձայն եմ, որ իրար պատեպատ խփել պետք չէ և սարսափազդու ցնցումների մեջ ընկնելն ավելորդ է, բայց նույնքան պետք էլ չէ «լուրջ»դեմքով պնդել, թե «իրավիճակը ստաբիլ է և վախենալու բան չկա»:

Հավատացնում եմ ձեզ, որ, հաշվի առնելով շնչուղային հիվանդություն ունեցողների քանակը հիվանդանոցներում այս պահին (իսկ ես հենց հիմա մայրաքաղաքի հիվանդանոցների մեկում եմ), կարծում եմ, որ պետք է անհապաղ ձեռնարկել ավելի լայնածավալ գործողություններ`կորոնավիրուսի ներթափանցումը կանխելու համար։

Այո, գիտեմ, որ հայ-իրանական սահմանակետում խստացվել է հսկողությունը Իրանից ժամանողների հանդեպ, սակայն հաշվի առնելով, որ կորոնավիրուսի ինկուբացիոն ժամանաշրջանը բավականին մեծ է (2-3 շաբաթ), կարծում եմ, որ անցակետերում խստացումը լիարժեք չի լուծի խնդիրը։

Հասկանալի է, որ պետք է գնալ ժամանակավոր կտրուկ քայլերի, օրինակ` առավել խստացնել Իրանից եկող մարդկանց մուտքը մեր տարածք։ Համոզված եմ, որ մեր իրանցի եղբայրներն այս քայլը կընկալեն որպես ադեկվատ, նամանավանդ, որ ՀՀ Իրանի դեսպանությունը արդեն իսկ ժամանակավոր դադարեցրել է հյուպատոսական ծառայություներ տրամադրել (չնայած մենք ունենք Իրանի հետ "բաց սահմանի" պայմանագիր) ։

Համենայն դեպս, Իրանն ինքը նախաձեռնում է շատ կտրուկ քայլեր կորոնավիրուսի տարածման դեմ, օրինակ` Իրանում դպրոցները ժամանակավորապես փակվել են։

Մի խոսքով, պետք է չընկնելով պանիկայի մեջ, այնուամենայնիվ ձեռնարկել ավելի կտրուկ կանխարգելիչ քայլեր»,- գրել է նա։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica