close
Եղանակը Երևանում
2 Ապրիլի 2020
+8°
+13°Ցերեկ
+6°Գիշեր
weather
close
Փոխարժեք
2 Ապր 2020
USD1504.96
GBP1624.08
EUR1552.07
RUB16.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ուղղակի չպետք է թույլ տալ, որ պարտված երկրի ղեկավարն այդ աստիճան լկտիանա. Նորայր Նորիկյան

Քաղաքական

16 Փետրվարի 2020, 09:56
 Ուղղակի չպետք է թույլ տալ, որ պարտված երկրի ղեկավարն այդ աստիճան լկտիանա. Նորայր Նորիկյան

Ադրբեջանի նախագահի և առհասարակ՝ այդ երկրի հետ ցանկացած ձևաչափում պետք է խոսել հաղթողի, թելադրողի, օրակարգ ստեղծողի և պայմաններ առաջադրողի դիրքերից՝ հիմնվելով պատերազմի արդյունքների, ինչպես նաև Արցախի ներկա իրողությունների վրա. այս մասին ֆեյսբուքյան իր էջում գրել է փաստաբան Նորայր Նորիկյանը, գրառման մեջ նա մասնավորապես նշել է. 

«Ադրբեջանի նախագահի և առհասարակ՝ այդ երկրի հետ ցանկացած ձևաչափում պետք է խոսել հաղթողի, թելադրողի, օրակարգ ստեղծողի և պայմաններ առաջադրողի դիրքերից՝ հիմնվելով պատերազմի արդյունքների, ինչպես նաև Արցախի ներկա իրողությունների վրա:
Ինձ համար ոչ միայն հասկանալի չէ, այլև բացարձակապես անընդունելի է պարտված պետության ղեկավարի հեգնախառն վարքագիծն ու մերթընդմերթ ցուցադրվող քմծիծաղը:

Ադրբեջանի նախագահի հետ պետք է խոսել քաղաքակիրթ, բայց կոշտ, հստակ ու համոզմունքով՝ հիմնված կոնկրետ իրողությունների, փաստաթղթերի և հակամարտության պատմության իրական փաստերի վրա:

Ուղղակի չպետք է թույլ տալ, որ պարտված երկրի ղեկավարն այդ աստիճան լկտիանա...

Մեկ անգամ նշել եմ, այժմ կրկին պնդում եմ, որ Ալիևի հետ, բոլոր դեպքերում, պետք է խոսել ‘’Չափդ ճանաչի’’ տոնով, հակառակ պարագայում, դատելով նրա դրսևորած վարքագծից, պարզ է դառնում, որ նրանց պատկերացումներն Արցախի հակամարտության կարգավորման հեռանկարի առումով որևէ աղերս չունի ոչ միայն մեր պատկերացումների, այլև պատերազմի արդյունքի հետ...

Ակնհայտ է, որ այսպիսի դիրքորոշման պայմաններում Ադրբեջանը վաղ թե ուշ փորձելու է կրկին անգամ դիմել ռազմական ավանտյուրայի` մեր տարածաշրջանը երկար տարիներ մխրճելով անկայունության փոսը:

Այսօրվա հրապարակային դեբատը կարևոր իրողություն էր՝ հասկանալու համար, թե այսուհետ ինչպես և ինչ տոնայնությամբ ու շեշտադրումներով պետք է խոսել Ադրբեջանի հետ...»,-գրել է Նորիկյանը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica