close
Եղանակը Երևանում
19 Փետրվարի 2020
+1°
+5°Ցերեկ
-2°Գիշեր
weather
close
Փոխարժեք
19 Փտր 2020
USD1478.95
GBP1622.40
EUR1518.37
RUB17.51
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԵԽԽՎ-ն Ռուսաստանի տեղը չէ. Վրաստանը դեմ կարտահայտվի Ռուսաստանի պատվիրակության իրավասության հարցին

Տարածաշրջան

29 Հունվարի 2020, 11:04
 ԵԽԽՎ-ն Ռուսաստանի տեղը չէ. Վրաստանը դեմ կարտահայտվի Ռուսաստանի պատվիրակության իրավասության հարցին

Այսօր Եվրոպայի խորհրդի խորհրդարանական վեհաժողովում քննարկվելու է Ռուսաստանի պատվիրակության իրավասության հարցը: Ռուսաստանի պատվիրակության իրավասությունը բողոքարկելու շուրջ քննարկումն անցկացվելու է քվեարկությունից հետո: Հարցով զեկույց են ներկայացնելու հոլանդացի պատգամավոր Տինի Կոքսը և իտալացի պատգամավոր Ալվիզ Մանիերոն. ըստ Yerkir.am-ի՝ հայտնում է վրացական Առաջին ալիքը:

Վրաստանի խորհրդարանի արտաքին հարաբերությունների հանձաժողովի նախագահ Իրակլի Բերաիան հայտարարում է, որ Վրաստանի պատվիրակությունը նշված թեմայով մեկ անգամ ևս ներկայացնելու է սուր դիրքորոշում:

«Խորհրդարանական վեհաժողովի նստաշրջանին քննարկվելու է Ռուսաստանի իրավասության ճանաչման հարցը և մենք պատրաստվում ենք, մեկ անգամ ևս գրանցել մեր սկզբունքային, սուր դիրքորոշումն այդ առնչությամբ: Ռուսաստանն անտեսում է միջազգային իրավունքով և միջազգային իրավական գործիքներով, ինչպես նաև հրադադարի պայմանագրով ստանձնած պարտականությունները: Ռուսաստանը շարունակում է Վրաստանի տարածքաների բռնազավթումը և սպառազինումը: Ռուսաստանի Դաշնության գործողությունները, ինչպես օկուպացված տարածքներում, օկուպացված գոտու երկայնքով, այնպես էլ՝ մեր հարևան երկրներում վտանգ է ստեղծում ոչ միայն մեր պետության անվտանգությանը, այլ՝ միջազգային խաղաղությանը և կայունությանը»,- հայտարարել է Իրակլի Բերաիան:

Եվրոպայի խորհրդի խորհրդարանական վեհաժողովում Ռուսաստանի պատվիրակությանը ձայնի իրավունքից զրկել էին 2014 թվականին՝ Ղրիմի բռնակցման համար:

Դագաղներ՝ կատուների համար
18 Փետրվարի 2020, 23:38 Դագաղներ՝ կատուների համար
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica