close
Եղանակը Երևանում
24 Սեպտեմբերի 2020
+15°
+27°Ցերեկ
+15°Գիշեր
weather
close
Փոխարժեք
24 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եթե Սահմանադրության փոփոխություններ լինեն, առաջին հերթին պետք է վարչապետի լիազորությունները կրճատվեն

Քաղաքական

21 Հունվարի 2020, 23:27
 Եթե Սահմանադրության փոփոխություններ լինեն, առաջին հերթին պետք է վարչապետի լիազորությունները կրճատվեն

Եթե Սահմանադրական փոփոխություններ լինեն, առաջին հերթին պետք է վարչապետի լիազորությունները կրճատվեն, բայց հաշվի առնելով այս իշխանությունների ձեռագիրը՝ իրենց փոփոխությունները միտված են լինելու իշխանությունն ավելի ամրապնդելուն: Այս մասին Tert.am-ի հետ զրույցում ասաց ՀՅԴ ԳՄ ներկայացուցիչ Իշխան Սաղաթելյանը՝ անդրադառնալով Սահմանադրական բարեփոխումների մասնագիտական հանձնաժողով ստեղծելուն:

Հարցին՝ ի՞նչ նպատակ է հետապնդում իշխանությունը Սահմանադրական փոփոխությունների համար հանձնաժողով ստեղծելով, Սաղաթելյանն ասաց. «Քանի որ իշխանությունը չի հայտարարել իր նպատակի մասին, չի հայտարարել թե ինչ խնդիր է ուզում դրանով լուծել, չեմ կարող կարծիք հայտնել: Մեկ բան մեզ համար շատ հստակ է՝ նախկինին վերադարձ չկա. երկրի կառավարման ձևը՝ խորհրդարանական համակարգից կրկին անցում կիսանախագահական կամ նախագահական համակարգի, մենք բացառում ենք»:

Ըստ Սաղաթելյանի՝ Սահմանադրության փոփոխության համար պետք է երկու կարևոր պատճառ լինի: «Պետք է հասարակական պահանջ լինի և երկրորդ՝ հիմնավորում, թե այսօրվա Սահմանադրության որ հոդվածներն են խնդիրներ ստեղծում երկրի անվտանգության, զարգացման հնարավորությունների համար: Երբ կկողմնորոշվեն կհայտարարեն իրենց Սահմանադրական փոփոխությունների հանձնաժողով ստեղծելու նպատակը և կհայտարարեն, թե այդ հանձնաժողովն ինչ փոփոխություններով և առաջարկություններով է հանդես գալու, այդ ժամանակ էլ մենք մեր դիրքորոշումները հստակ կասենք, որովհետև մեզ համար շատ սկզբունքային է խորհրդարանական կառավարման համակարգը»,- նշեց նա:

Դիտարկմանը՝ վարչապետ Նիկոլ Փաշինյանը հայտարարել էր, որ այս գործող Սահմանադրությամբ ավելի հեշտ է իշխանափոխություն իրականացնել, հիմա Սահմանադրության փոփոխությունների հանձնաժողով ստեղծելն ի՞նչ է ենթադրում, Սաղաթելյանն արձագանքեց. «Եթե Սահմանադրության փոփոխություններ լինեն, առաջին հերթին պետք է վարչապետի լիազորությունները կրճատվեն»:

Սաղաթելյանը հիշեցրեց, որ այս իշխանությունները, մասնավորապես երկրի ղեկավարը Սահմանադրության փոփոխությունից հետո քննադատում էին «սուպերվարչապետական» համակարգը: «Ուստի առաջին հերթին հենց այս սուպերվարչապետական համակարգից պետք է ազատվել, սակայն, բնականաբար, հաշվի առնելով այս իշխանությունների ձեռագիրը, իրենց փոփոխությունները միտված են լինելու իշխանությունն էլ ավելի ամրապնդելուն: Հաշվի առնելով իշխանության գործելաոճը՝ կարելի է նման ենթադրություն անել, բայց թող հանդես գան իրենց պատճառաբանություններով, առաջարկություններով մենք էլ համապատասխան դիրքորոշում կհայտնենք»,- շեշտեց նա:

Լիկբեզ ԱԳՆ-ի համար. Ա. Աշոտյան
23 Սեպտեմբերի 2020, 19:38 Լիկբեզ ԱԳՆ-ի համար. Ա. Աշոտյան
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica