close
Եղանակը Երևանում
22 Փետրվարի 2020
+0°
+8°Ցերեկ
+0°Գիշեր
weather
close
Փոխարժեք
22 Փտր 2020
USD1478.35
GBP1617.79
EUR1517.05
RUB17.43
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Վերաբնակեցման ուղղությամբ ՀՅԴ աշխատանքները շարունակական են. Դավիթ Իշխանյան

Քաղաքական

17 Դեկտեմբերի 2019, 17:06
 Վերաբնակեցման ուղղությամբ ՀՅԴ աշխատանքները շարունակական են. Դավիթ Իշխանյան

2020 թվականի նախագահական ընտրություններում ՀՅԴ առաջադրած նախագահի թեկնածու, ՀՅԴ Արցախի Կենտրոնական կոմիտեի ներկայացուցիչ Դավիթ Իշխանյանը երեկ՝ դեկտեմբերի 16-ին, այցելել է Քաշաթաղի շրջանի Աղավնո համայնք՝ վերաբնակեցվող համայնքի խնդիրներին ծանոթանալու եւ վերաբնակեցման համակարգված, լայնածավալ եւ հետեւողական իրականացման ուղղությամբ Դաշնակցության մոտեցումները ներկայացնելու:

Դավիթ Իշխանյանին ուղեկցել են ՀՅԴ Արցախի ԿԿ անդամ, Քաշաթաղի վարչակազմի տեղակալ Մարինե Պետոյանը եւ ԱՀ ԱԺ «Դաշնակցություն» խմբակցության պատգամավոր Ալյոշա Գաբրիելյանը:

Աղավնո կատարած այցի շրջանակներում դաշնակցական գործիչները հանդիպում են ունեցել դպրոցի ղեկավար կազմի հետ, այցելել են գյուղում կառուցվող նոր թաղամաս, դպրոցի շինհարթակ:

Աղավնոյի բնակիչների հետ հանդիպման ժամանակ Դավիթ Իշխանյանը նշել է, որ ՀՅԴ աշխարհասփյուռ կառույցները Արցախում վերաբնակեցման քաղաքականությանն աջակցող եւ իրագործող հիմնական դերակատարներից են:

«Վերաբնակեցման ուղղությամբ ՀՅԴ աշխատանքները շարունակական են՝ ամրագրված ՀՅ Դաշնակցության Արցախի Շրջանային ժողովների որոշումներում: Մենք կարծում ենք, որ վերաբնակեցման հաջող ծրագրի հեռանկարը հնարավոր է ճիշտ քաղաքականության մշակման եւ վարման դեպքում»,- ասել է Իշխանյանը, նշելով, որ վերաբնակեցման քաղաքականության վերաբերյալ ՀՅԴ տեսլականները արտացոլվելու են ՀՅ Դաշնակցության նախընտրական ծրագրում:

Aparaj.am

Եղանակը տաքանում է
21 Փետրվարի 2020, 17:46 Եղանակը տաքանում է
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica