close
Եղանակը Երևանում
6 Հուլիսի 2020
+20°
+31°Ցերեկ
+19°Գիշեր
weather
close
Փոխարժեք
6 Հլս 2020
USD1483.84
GBP1602.38
EUR1543.30
RUB16.81
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Բրիտանիայի վարչապետը վերընտրվելուց հետո առաջին նշանակումներն է կատարել

Աշխարհ

17 Դեկտեմբերի 2019, 10:45
 Բրիտանիայի վարչապետը վերընտրվելուց հետո առաջին նշանակումներն է կատարել

Մեծ Բրիտանիայի վարչապետ Բորիս Ջոնսոնը արտահերթ խորհրդարանական ընտրություններում հաղթելուց հետո կատարել է իր կառավարության կազմում առաջին նոր նշանակումները. ըստ Yerkir.am-ի՝ հայտնում է Sky News-ը:

Նշվում է, որ նորընտիր վարչապետի հրամանով Ուելսի գործերով նախարարի պաշտոնը ստացել է պահպանողական Սթիվեն Հարթը, իսկ թվային տեխնոլոգիաների, մշակույթի, լրատվամիջոցների և սպորտի նախարար է վերանշանակվել Նիկի Մորգանը:

Ուելսի գործերով նախկին նախարար Ալան Քեռնսը նոյեմբերի սկզբին հարկադրված էր հրաժարական ներկայացնել իր ներգրավվածությամբ դատական սկանդալի պատճառով: Ինչ վերաբերում Մորգանին, ապա նա իր պաշտոնից պետք է հեռանար, քանի որ չէր մասնակցել Համայնքների պալատի ընտրություններին, հետևաբար կորցրել էր պատգամավորական մանդատը:

Չնայած այս ամենին՝ դեկտեմբերի 16-ին հայտարարվել է, որ Մեծ Բրիտանիայի թագուհի Եղիսաբեթ II-ը նրան շնորհել է պերություն ու բարոնուհու տիտղոս: Շուտով նա կդառնա բրիտանական խորհրդարանի Լորդերի պալատի անդամ ու դրա շնորհիվ կկարողանա կատարել նախարարական պարտականությունները:

Yerkir.am-ն ավելի վաղ տեղեկացրել էր, որ դեկտեմբրի 12-ին, Մեծ Բրիտանիայում մեկնարկել էին վաղաժամկետ խորհրդարանական ընտրությունները. հաղթել էր Մեծ Բրիտանիայի գործող վարչապետ Բորիս Ջոնսոնը:

Նրան շնորհավորել էր ԱՄՆ նախագահ Դոնալդ Թրամփը: 
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica