close
Եղանակը Երևանում
28 Հունվարի 2020
-2°
+3°Ցերեկ
-4°Գիշեր
weather
close
Փոխարժեք
28 Հնվ 2020
USD1478.87
GBP1626.79
EUR1528.43
RUB17.75
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռուսաստանը և Թուրքիան դեռևս անհրաժեշտ չեն համարում ընդլայնել անվտանգության գոտին Սիրիայում

Աշխարհ

10 Դեկտեմբերի 2019, 16:33
 Ռուսաստանը և Թուրքիան դեռևս անհրաժեշտ չեն համարում ընդլայնել անվտանգության գոտին Սիրիայում

ՌԴ-ն և Թուրքիան չեն ընդլայնի Սոչիի համաձայնագրով համաձայնեցված անվտանգության գոտին Սիրիայի հյուսիս-արևելքում. ըստ Yerkir.am-ի՝ այս մասին լրագրողներին ասել է Սիրիայի գծով ՌԴ նախագահի հատուկ ներկայացուցիչ Ալեքսանդր Լավրենտեւը, հայտնում է ՏԱՍՍ-ը։

«Ոչ, ըստ հուշագրի, որը ստորագրվել է մեր նախագահներ Վլադիմիր Պուտինի և Ռեջեփ Թայիփ Էրդողանի կողմից, անվտանգության այդ գոտին կոնկրետ գոտի է։ Դա պետք է պահպանել այն տեսքով, որով կա այժմ։ Դա միակ ելքն է։ Ընդլայնումը ոչ մի լավ բան չի բերի»,- մանրամասնել է նա՝ անդրադառնալով լրագրողների հնչեցրած հարցին։

Լավրենտևի խոսքով՝ այժմ իրավիճակը անվտանգության գոտում քիչ թե շատ կայուն է։ «Իհարկե, կան որոշակի սադրանքներ տարբեր կողմերից։ Բայց ընդհանուր առմամբ, կարծում եմ, մեզ հաջողվել է կայունացնել իրավիճակն այնտեղ։ Կարծում եմ, դա շատ լավ նշան է»,- հավելել է նա։

Ռուսաստանի և Թուրքիայի պատվիրակությունները երկկողմ խորհրդակցություններ են անցկացնում Սիրիայի վերաբերյալ բարձր մակարդակի հանդիպման շրջանակում՝ Աստանայի ձեւաչափով (Ռուսաստան, Իրան եւ Թուրքիա)։

ՌԴ պատվիրակությունը գլխավորում են Լավրենտևը և արտաքին գործերի փոխնախարար Սերգեյ Վերշինինը։ Թուրքական կողմը հանդիպման է եկել երկրի արտաքին գործերի փոխնախարար Սեդաթ Օնալի գլխավորած պատվիրակությամբ։ Բանակցությունները տեղի կունենան դռնփակ։

Ռուսական պատվիրակությունը ՄԱԿ Սիրիայի գծով հատուկ դեսպանորդ Գեյր Պեդերսոնի հետ Նուր Սուլթանի բանակցություններում կքննարկի Սահմանադրական կոմիտեի աշխատանքը, ավելացրել է Լավրենտեւը։

«Մենք պարոն Պեդերսոնի հետ կքննարկենք այս հարցերը. ի՞նչ կարող ենք անել, ինչո՞վ կարող ենք օգնել Սահմանադրական կոմիտեի աշխատանքում քաղաքական առաջընթացի հասնելու համար, բայց կարծում եմ, որ չպետք է շտապել»,- ասել է նա։

Լավրենտեւի խոսքով՝ միջազգային հանրությունը Սիրիայի Սահմանադրական կոմիտեի աշխատանքի սկսվելու հետ կապված՝ մեծ ակնկալիքներ ունի։ «Հարցը բարդ է։ Ընթանում է կողմերի միջեւ տնտղման աշխատանք, որոնք նստել են բանակցությունների սեղանի շուրջ։ Եկեք սպասենք, համբերություն ունենանք։ Եվ ես կարծում եմ, որ այստեղ կարելի կլինի տեսնել դրական տեղաշարժեր հետագայում»,- ավելացրել է նա։

Լավրենտեւի խոսքով՝ Սիրիայի Սահմանադրական կոմիտեի աշխատանքը Ժնեւից Դամասկոս տեղափոխել առայժմ չի նախատեսվում, դրա համար անհրաժեշտ պայմաններ չկան։

«Գուցե, երբեւէ պայմաններ ի հայտ գան, երբ Սահմանադրական կոմիտեն կկարողանա հանդիպել Դամասկոսում»,- ասաց նա ի պատասխան կոմիտեն Ժնեւից Դամասկոս տեղափոխելու հարցին։

Լավրենտեւի խոսքով՝ Շվեյցարիայում Սահմանադրական կոմիտեի ստեղծման համար շատ ջանքեր են գործադրվել։

Ավելի վաղ ՄԱԿ-ում Սիրիայի մշտական ներկայացուցիչ Բաշար Ջաաֆարին, որը գլխավորում է սիրիական պատվիրակությունը Ղազախստանի մայրաքաղաքում ընթացող բանակցություններում, տեղեկացրել էր, որ Սիրիայի Սահմանադրական կոմիտեի հետ կապված հարցերը Աստանայի ձեւաչափով ընթացող բանակցությունների 14-րդ փուլում չեն քննարկվել երեքշաբթի, ՌԴ եւ արաբական հանրապետության պատվիրակությունների հանդիպման ժամանակ։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica