close
Եղանակը Երևանում
9 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
9 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ. Հանդիպել են Հայաստանի եւ Մոլդովայի ԱԳ նախարարները. Մնացականյանը ներկայացրել է Արցախի խնդիրը

Քաղաքական

6 Դեկտեմբերի 2019, 15:27
 ՏԵՍԱՆՅՈՒԹ. Հանդիպել են Հայաստանի եւ Մոլդովայի ԱԳ նախարարները. Մնացականյանը ներկայացրել է Արցախի խնդիրը

Դեկտեմբերի 5-ին Բրատիսլավայում ընթացող ԵԱՀԿ համաժողովի շրջանակներում ԱԳ նախարար Զոհրաբ Մնացականյանը հանդիպեց Մոլդովայի արտաքին գործերի եւ եվրոպական ինտեգրման նախարար Աուրելիո Չիոքոային. Yerkir.am-ին հայտնում են ԱԳՆ-ից:

Նախարար Մնացականյանը շնորհավորեց իր մոլդովացի գործընկերոջը պաշտոնը ստանձնելու կապակցությամբ եւ հաջողություններ մաղթեց այդ պատասխանատու առաքելության մեջ:

Հայաստանի եւ Մոլդովայի արտգործնախարարները արժեւորեցին բազմակողմ հարթակներում երկու երկրների միջեւ փոխգործակցության առկա մակարդակը: Այս համատեքստում կողմերն անդրադարձան  ԵՄ Արեւելյան գործընկերության 10-ամյա հոբելյանին նվիրված նախաձեռնություններին եւ մտքեր փոխանակեցին ապագայի տեսլականի շուրջ:

Մոլդովայի ԱԳ նախարարներն անդրադարձ կատարեցին նաեւ միջազգային եւ տարածաշրջանային հրատապ հարցերի:

Անդրադառնալով Հայաստանի արտաքին քաղաքական առաջնահերթություններին՝ Հայաստանի արտաքին քաղաքական գերատեսչության ղեկավարն իր մոլդովացի գործընկերոջը ներկայացրեց Լեռնային Ղարաբաղի հիմնախնդրի կարգավորման գործընթացում Հայաստանի սկզբունքային դիրքորոշումը եւ մոտեցումները:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica