close
Եղանակը Երևանում
7 Դեկտեմբերի 2019
-1°
+5°Ցերեկ
-1°Գիշեր
weather
close
Փոխարժեք
7 Դեկ 2019
USD1478.03
GBP1627.41
EUR1530.47
RUB17.50
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայ ժողովուրդը յստակ պատասխան կ՛ակնկալէ պրոֆ. Աքչամէն. Կարո Արմենյան

Բլոգեր

20 Նոյեմբերի 2019, 19:50
 Հայ ժողովուրդը յստակ պատասխան կ՛ակնկալէ պրոֆ. Աքչամէն. Կարո Արմենյան

Կարդա՛լ Պոլսոյ «Ակօս» շաբաթաթերթի հարցազրոյցը (Յուլիս 10, 2016) թուրք պատմաբան և ցեղասպանագէտ Թանէր Աքչամի հետ այս վերջինիս կողմէ հրատարակուած գրքի բացայայտումներուն առիթով։ Պրոֆ. Աքչամ մեծ ընդունելութիւն գտած է Սփիւռքի գաղութներու զանազան կազմակերպութիւններէն Հայոց Ցեղասպանութեան ճանաչման գծով իր կատարած ուսոումնասիրութիւններուն համար։ Ան գնահատուած է որպէս թուրք պատմաբան, որ բացէ ի բաց կը պնդէ, որ Հայոց Ցեղասպանութիւնը անվիճելի փաստ է և որ պէտք է ճանաչման արժանանայ թուրք պետութեան կողմէ, որ պէտք է նաև ներողութիւն խնդրէ հայ ժողովուրդէն` գործուած եղեռնագործութեան համար...Աքչամի ելոյթները սրտեր գրաւած են հայաշխարհի բեմերէն։ Ան ջերմ ընդունելութեան արժանացած է նաև Մեծի Տանն Կիլիկիոյ Վեհափառ Հայրապետէն։

Թանէր Աքչամ կրցած է նուաճել մեր հաւաքական վստահութեան այս կարևոր նշաձողը առանց որ ան համապատասխան դիրքորոշում ցուցաբերէ հայ ժողովուրդի հողային իրաւունքներու խնդրին մէջ։ Շատ անորոշ բառապաշարով, Աքչամ կ՚ընդունի, որ Թուրքիա հատուցում կը պարտի հայութեան ներողութիւն խնդրելէ ետք անցեալին Իթթիհատական իշխանութիւններուն կողմէ գործուած ցեղասպանական ոճիրին համար։ Հատուցո՛ւմ ՝ առանց հողի...։ Բայց լա՛ւ հետևեցէք այս տրամաբանութեան, որմէ կը հետևի, որ թուրք ժողովուրդը չէ, որ պարտական է ոճիրին համար։ Թուրք պետութի՛ւնն է և այն ալ՝ այն պարզ պատճառով, որ Իթթիհատականները կը ներկայացնէին թուրք պետութիւնը այդ օրերուն։ Իրականութեան մէջ, իրական մեղաւորները Իթթիհատական ղեկավարներն էին, քանի որ անոնք, ըստ Աքչամի, առևանգած էին իշխանութիւնը այդ օրերուն...և չունէին բարոյական լիազօրութիւնը թուրք ժողովուրդին...

Եւ կրկնենք նորէ՛ն։ Հատուցո՛ւմ ՝ առանց հողի։ ԱՌԱՆՑ ՀՈՂԱՅԻՆ ՓԱԹԵԹԻ։ Ես այս է, որ կը հասկնամ Աքչամի բոլոր դարձդարձիկ ելոյթներէն։ Աքչամ բացայայտօրէն կը մերժէ հատուցման պարտաւորութիւնը կապել մեր հողային իրաւունքներուն։ Արևմտեան Հայաստանը հայ ժողովուրդին չի պատկանիր այլևս։ Երբ օրը գայ, երևի համաձայնութիւն մը այս կամ այն ձևով կը գոյանայ հայոց (հայ պետականութեա՞ն) և Թուրքիոյ միջև և այն ատեն կը ճշտուի, թէ ի՞նչ ոչ-հողային հատուցում հասնելու է հայութեան...

Եթէ Թանէր Աքչամ առարկէ իմ այս մեկնաբանութեան, «թիւրիմացութիւն»ը փարատելու սիրոյն՝ իր բարոյական պարտաւորութիւնն է մէկ պարզ նախադասութեամբ յայտարարել, որ Հայոց Ցեղասպանութեան շարունակուող հետևանքը հայ ժողովուրդին համար իրեն պարտադրուած ՀԱՅՐԵՆԱԶՐԿՈՒՄՆ է, հետևաբար հայ ժողովուրդի հայրենական իրաւունքը Արևմտեան Հայաստանի հողերուն վրայ ԱՆՎԻՃԵԼԻ ԵՒ ԱՆԺԱՄԱՆՑԵԼԻ է։

Խօսելով կողմերու միջև բանակցութիւններու մասին, կ՚ուզեմ յիշեցնել, որ այդ բանակցութիւնները վաղուց տեղի ունեցած են և Սևրի Դաշնագրով և Նախ. Ուիլսընի Իրաւարար Վճռով միանգամընդմիշտ հաստատած՝ վերջնական սահմանագիծը Թուրքիոյ և Հայաստանի միջև։ Կը հրաւիրեմ Պրոֆ. Աքչամը ընդունելու միջազգային այս աքթերով հաստատուած հայ ժողովուրդի անժամանցելի և անօտարելի իրաւունքները իր հայրենական հողատարծքներուն վրայ։

Այլապէս Աքչամի թէզերը փաստօրէն կը նուիրագործեն ցեղասպան քեմալիզմի կողմէ հաստատուած Թուրքիոյ Ազգային Ուխտը, զոր մենք բացարձակապէս կը մերժենք։ Այդ ուխտէն ներշնչուած Նախ. Էրտողանի վերջին յայտարարութիւնները ԱՄՆ-ի մէջ և այլուր արժանացան ՀՀ Արտաքին Գործոց Նախարարութեան անվերապահ հակադարձութեան Թուրքիան որակելով «հայ ժողովուրդի անվտանգութեան ուղղուած սպառնալիք»։

Այս յօդուածը նաև ուղղուած է բոլոր անոնց, որոնք ցարդ գուրգուրանքով շրջապատած են Թանէր Աքչամը առանց նուազագոյն հարցադրութեան ենթարկելու իր մանուածապատ թէզերը։

Կարօ Արմենեան
Նոյեմբեր 19, 2019
Ուաշինկթըն

 

 
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica