close
Եղանակը Երևանում
6 Դեկտեմբերի 2019
+0°
+4°Ցերեկ
+0°Գիշեր
weather
close
Փոխարժեք
6 Դեկ 2019
USD1477.94
GBP1627.63
EUR1530.13
RUB17.49
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ճապոնիայի խորհրդարանը վավերացրել է ԱՄՆ-ի հետ առևտրային համաձայնագիրը

Աշխարհ

19 Նոյեմբերի 2019, 15:42
 Ճապոնիայի խորհրդարանը վավերացրել է ԱՄՆ-ի հետ առևտրային համաձայնագիրը

Ճապոնիայի խորհրդարանի ստորին պալատն այսօր՝ նոյեմբերի 19-ին, վավերացրել է ԱՄՆ-ի հետ առևտրային համաձայնագիրը. ըստ Yerkir.am-ի՝ հայտնում է ՏԱՍՍ-ը:

Փաստաթուղթը պետք է վավերացվի Ճապոնիայի խորհրդարանի վերին պալատում՝ այնտեղ համապատասխան բանավեճերի անցկացումից հետո:

Հիշեցնենք, որ Ճապոնիայի վարչապետ Սինձո Աբեն և ԱՄՆ նախագահ Դոնալդ Թրամփը սեպտեմբերին Նյու Յորքում նոր առևտրային համաձայնագիր էին կնքել, որը գարնանից անցկացվող բանակցությունների արդյունքն է: Կողմերը նաև պարտավորվել են հասնել ազատ առևտրի մասին համընդգրկուն համաձայնագրի ստորագրմանը:

Սեպտեմբերի վերջին կնքված համաձայնագրի համաձայն՝ Ճապոնիան պարտավորվում է 2033 թվականին ամերիկյան տավարի մսի սակագինը 38.5 տոկոսից նվազեցնել մինչև 9 տոկոս, ինչպես նաև հաջորդ տարվա ապրիլից գինին՝ 15 տոկոսից մինչև 7.1 տոկոս: ԱՄՆ-ից ներմուծման քաղաքականության վերանայումը կառնչվի նաև այլ արտադրանքի, այդ թվում՝ ցորենին, գարուն, ընկույզին, եգիպտացորենին:

Իր հերթին Վաշինգտոնը չի բարձրացնի ճապոնական ավտոմեքենաների և պահեստամասերի ներմուծման մաքսատուրքերը, ինչից ամենաշատը վախենում էին ճապոնական ավտոարտադրողները, որոնց համար ԱՄՆ շուկան կարևորներից է: Միացյալ Նահանգներում ընդհանուր սակագների նվազեցում կամ չեղարկում կկատարեն 42 կետով, այդ թվում՝ գյուղատնտեսական արտադրանքը, սոյայի սոուսը, մաստակը, հեծանիվները, գոլորշու տուրբինները և երաժշտական գործիքները:

 

 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica