close
Եղանակը Երևանում
14 Դեկտեմբերի 2019
+1°
+6°Ցերեկ
+1°Գիշեր
weather
close
Փոխարժեք
14 Դեկ 2019
USD1477.51
GBP1640.53
EUR1533.90
RUB17.66
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ամո՛թ՝ Էրդողանը Հայոց ցեղասպանության գովքն է հյուսում. Կարո Փայլան

Տարածաշրջան

15 Նոյեմբերի 2019, 10:59
 Ամո՛թ՝ Էրդողանը Հայոց ցեղասպանության գովքն է հյուսում. Կարո Փայլան

Թուրքիայի Ազգային մեծ ժողովի պատգամավոր, քրդամետ Ժողովուրդների դեմոկրատական կուսակցության հայ անդամ Կարո Փայլանը սոցցանցերի իր էջերում անդրադարձել է Թուրքիայի նախագահ Ռեջեփ Թայիփ Էրդողանի՝ Թրամփի հետ հանդիպման ժամանակ արած հակահայկական կեղծ հայտարարություններին: Yerkir.am-ն ավելի վաղ նշել էր, որ Էրդողանը մասնավորապես հայտարարել էր, թե հայերը քոչվոր-գաղթականներ են, որոնք շրջում էին աշխարհով մեկ և որոշ ժամանակ էլ հանգրվանել էին Թուրքիայում, որտեղից էլ նրանց արտաքսել են:

«Հայ ժողովուրդն այլ ժողովուրդների հետ հազարավոր տարիներ այս հողերում ապրել է: Նրանց ապրած քաղաքներում քաղաքակրթություն են ստեղծել: Իբր՝ հայերը որպես քոչվոր շրջել են: Ամո՛թ: Էրդողանը, որն ասում է, որ ցեղասպանություն չի եղել, ցեղասպանության գովքն է հյուսում»,- ի պատասխան Էրդողանի հայտարարություններին՝ գրել է Փայլանը:

Բացի այդ՝ Փայլանը ԹԱՄԺ Պլանավորման և բյուջետային հանձնաժողովի քննարկումների ժամանակ անդրադարձել է մշակութային հարստությունների վերաբերյալ թուրքական կառավարության քաղաքականությանը: «Պետությունները կազմակերպությունների նման չեն, թվերով չեք կարող չափել: Ըստ ձեզ՝ ամեն ինչ սկսվել է 1071 թ.(Մանազկերտի ճակատամարտը, որում հաղթանակ տարան սելջուկ-թյուրքերը- խմբ.): Պատմության մեջ չակարտներ եք դնում, բայց խոսում եք 12 հազարամյա Գյոբեքլիթեփեից (Պորտասար): Կարծես, Գյոբեքլիթեփեն երկնքից է ընկել: Ամեն բան 1071 թ. չի սկսվել: Ավելի առաջ այստեղ ապրող ժողովուրդներ են եղել: Հայերը, ասորիները, քրդերը, լազերը այստեղ էին ապրում»,- ասել է Փայլանը:

Նա նաև քննադատել է թուրքական սահմանադրության մեջ տեղ գտած՝ «թուրքական պետության մեջ քաղաքացիություն ունեցող ամեն ոք թուրք է» դրույթին: «Ես թուրք չեմ, հայ եմ: Ասում եք, որ սա ինձ էլ է վերաբերում, չի վերաբերում: Թուրքական լեզվաբանական խորհուրդ կա: Արևմտահայերենը մահացող լեզուների մեջ չէ՞: Թուրքական լեզվաբանական խորհուրդը ինչ-որ աշխատանքներ տանո՞ւմ է, որպեսզի չվերանա արևմտահայերենը: Ո՛չ: Քրդերենի, զազայերենի, լազերենի, չերքեզերենի վերաբերյալ աշխատանքներ տանո՞ւմ է: Ո՛չ»,- ասել է հայ պատգամավորը:

Փաշինյանը կայցելի Ռուսաստան
13 Դեկտեմբերի 2019, 17:44 Փաշինյանը կայցելի Ռուսաստան
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica