close
Եղանակը Երևանում
12 Դեկտեմբերի 2019
+2°
+5°Ցերեկ
-1°Գիշեր
weather
close
Փոխարժեք
12 Դեկ 2019
USD1478.02
GBP1628.02
EUR1529.79
RUB17.53
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նիկոլ Փաշինյանի՝ Փարիզ այցի առիթով ՀՅԴ Արևմտյան Եվրոպայի Կենտրոնական կոմիտեի հաղորդագրությունը

Հասարակություն

12 Նոյեմբերի 2019, 10:12
 Նիկոլ Փաշինյանի՝ Փարիզ այցի առիթով ՀՅԴ Արևմտյան Եվրոպայի Կենտրոնական կոմիտեի հաղորդագրությունը

Հաղորդագրություն (վարչապետ Նիկոլ Փաշինյանի պատվիրակության՝ Փարիզ այցի առիթով)

Հայաստանի վարչապետ Նիկոլ Փաշինյանի գլխավորությամբ, հայրենի պետական պատվիրակությունը պաշտոնական այցով գտնվում է Փարիզում` մասնակցելու Խաղաղության միջազգային երկրորդ ֆորումին, ի շարս տարբեր երկրների բազմաթիվ պատվիրակությունների եւ ներկայացուցիչների:

Եռօրյա աշխատանքային այցի ընթացքում, վաղը` երեքշաբթի երեկոյան, տեղի կունենա պատվիրակության հանդիպումը ֆրանսահայ համայնքի ներկայացուցիչների հետ: Սույն հանդիպմանը հրավիրված է Հայ Յեղափոխական Դաշնակցությունը:

Այս առիթով, հայ հասարակական բեմի համար կանխավ կատարում ենք հետևյալ հստակեցումը՝

Դաշնակցությունը, իր ուղեկից միություններով, ընդառաջում է հրավերին, մասնակցում է հանդիպմանը՝ առաջնորդվելով իր ազգային - քաղաքական վարքագծով, որ ոչ այլ ինչ է, եթե ոչ հավատարմություն ու զորակցություն մեր պետականությանը, լավապես տարբերելով ու սահմանագծելով պետություն եւ իշխանություն հասկացությունները:

Եվ ելնելով այս իսկ սկզբունքից՝ միաժամանակ, ամենայն համոզումով ու մեր բոլոր ուժերով եւ միջոցներով անվերապահորեն զորակցում ենք ՀԵՄ-ի նախաձեռնած հրապարակային միջոցառումներին, որոնք ուղղված են կրթության նախարար Արայիկ Հարությունյանի` կրթական բնագավառում վարած ապազգային քաղաքականության դեմ, ինչպես նաև խստիվ ու միանգամընդմիշտ մերժում ենք մեր կուսակցության մեջ շերտեր որոնելու՝ ոմանց ապարդյուն փորձերը:

Հստակ պետք է դառնա անխտիր բոլորին, որ կա մե՛կ Դաշնակցություն, չկա՛, այսպես ասած, «դրսի» կամ «ներսի» դաշնակցական, այլ կա մեկ տեսակի դաշնակցական աշխարհի չորս ծագերում, որի երդումը մե՛կ է՝ ծառայել Հայաստանին ու հայությանը:

Հայ Յեղափոխական Դաշնակցության Արեւմտյան Եվրոպայի Կենտրոնական կոմիտե

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica