close
Եղանակը Երևանում
9 Դեկտեմբերի 2019
+5°
+6°Ցերեկ
+0°Գիշեր
weather
close
Փոխարժեք
9 Դեկ 2019
USD1478.03
GBP1627.41
EUR1530.47
RUB17.50
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նոր իշխանություններն ալերգիա ունեն ազգայինի նկատմամբ. Լիլիթ Գալստյան

Քաղաքական

11 Նոյեմբերի 2019, 18:30
 Նոր իշխանություններն ալերգիա ունեն ազգայինի նկատմամբ. Լիլիթ Գալստյան

Երբ վերլուծում ես նոր քաղաքական ուժի կամ, այսպես ասած, «Նոր Հայաստանի» քաղաքական վարքագիծը, որը ներառում է այս 1.5 տարին, սա ուղղակի արժեհամակարգային պայքար է, և այնպիսի տպավորություն է, որ այս նոր իշխանություններն ալերգիա ունեն այն ամենի նկատմամբ, ինչն ազգային է. ըստ Yerkir.am-ի՝ այսօր հայտարարեց ՀՅԴ ԳՄ անդամ Լիլիթ Գալստյանը, որը նույնպես մասնակցում էր ԿԳՄՍ նախարարության շենքի առջև՝ ԵՊՀ ուսանողների և ՀՅԴ ՀԵՄ մասնակցությամբ նստացույցին, որի պահանջը ԿԳՄՍ նախարար Արայիկ  Հարությունյանի հրաժարականն է:

«Այս իշխանությունները դիտավորյալ, ծրագրված քաղաքականություն ունեն՝ նվաստացնել այն ամենը, ինչն ազգային է»,- հավելեց նա:

«Ներկա իշխանությունը ցույց է տալիս իր ռեպրեսիվ վարքագիծը՝ ամեն անգամ փորձելով դիմել իրենց ոչ հաճո քաղաքական ուժին, անհատին լռեցնելու ռեպրեսիվ մեթոդների: Շատ ավելի վատ է ԿԳՄՍՆ-ի համար, եթե ունեին փաստեր անօրինական գործունեության մասին, ուրեմն ինչո՞ւ էին դրանք կոծկել, ինչը նույնպես քրեորեն պատժելի է: Այս ամենը տեղավորվում է գործող քաղաքական ուժի ռեպրեսիվ գործիքակազմի շրջանակում: Ինչպե՞ս կարելի է մի երկրում, որտեղ մշակույթն ունի ահռելի դերակատարում, որպես ինքնությունը սնուցող աղբյուր չկարևորվել մշակույթը, որը քաղաքացի-ազգային պետականություն կերտող ամենամեծ աղբյուրն է: Հետո տեսանք նաև, որ ազգային ինստիտուտների դեմ կա ուղղորդված շարժում: Սա քաղաքական ծրագիր է՝ կոտրելու մեր մեջքը»,- ընդգծեց Լիլիթ Գալստյանը:

Հիշեցնենք, որ նոյեմբերի 7-ից սկսվել է ԿԳՄՍ նախարար Արայիկ Հարությունյանի հրաժարականը պահանջող բողոքի ակցիան, որին մասնակցում են ԵՊՀ ու այլ համալսարանների ուսանողներ, ՀՅԴ ՀԵՄ երիտասարդները, այլ հասարակական կազմակերպություններ և այլն:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica