close
Եղանակը Երևանում
24 Հունվարի 2020
-4°
+1°Ցերեկ
-5°Գիշեր
weather
close
Փոխարժեք
24 Հնվ 2020
USD1478.87
GBP1626.79
EUR1528.43
RUB17.75
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Սիրիայի սահմանին սկսվում է ռուս-թուրքական չորրորդ համատեղ պարեկությունը

Աշխարհ

11 Նոյեմբերի 2019, 16:30
 Սիրիայի սահմանին սկսվում է ռուս-թուրքական չորրորդ համատեղ պարեկությունը

Ռուսաստանի ռազմական ոստիկանությունն այսօր՝ նոյեմբերի 11-ին, Թուրքիայի սահմանային ծառայության հետ նախաձեռնել է չորրորդ համատեղ պարեկությունը Սիրիայի և Թուրքիայի սահմանին գտնվող՝ շուրջ 80 կիլոմետր նոր շրջանում. ըստ Yerkir.am-ի՝ հայտնել է ՌԴ ՊՆ-ն:

«Նոյեմբերի 11-ին` ժամը 12:10-ից, Ռուսաստանի ռազմական ոստիկանության և Թուրքիայի սահմանապահ ծառայության չորրորդ համատեղ պարեկությունը սկսել է աշխատանքը նոր սահմանային շրջանում, որը տեղակայված է Քամիշլիից մոտ 70 կմ դեպի արևմուտք»,- նշված է հաղորդագրության մեջ:

Պարեկությունը կիրականացվի նոր երթուղիով, որը, սկսած Շեյրեկի անցակետից, ձգվում է նախ դեպի արևմուտք, ապա՝ դեպի արևելք՝ սիրիական-թուրքական սահմանի երկայնքով:

Պարեկությունն իրականացվում է «Վագր» զրահապատ մեքենաներով, Ռուսաստանի ռազմական ոստիկանության БТР-80-ներով և թուրքական սահմանային ծառայության Kirpi զրահամեքենաներով:

Գործողությունն իրականացնելու նպատակով կներգրավվի 8 միավոր ռազմական տեխնիկա և երկու երկրների ավելի քան 50 զինծառայող:

Շարասյան շարժն իրական ժամանակում կվերահսկվի Ռուսաստանի ռազմական ոստիկանության Orlan-10 անօդաչու թռչող սարքի կողմից:

 

 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica