close
Եղանակը Երևանում
12 Նոյեմբերի 2019
+6°
+13°Ցերեկ
+2°Գիշեր
weather
close
Փոխարժեք
12 Նմբ 2019
USD1477.40
GBP1612.93
EUR1526.81
RUB17.46
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կովկասցի չենք, արիացի ենք, պարո՛ն վարչապետ. Փաշինյանը չի տիրապետում սեփական ժողովրդի ծագումնաբանությանը

Քաղաքական

8 Նոյեմբերի 2019, 15:06
 Կովկասցի չենք, արիացի ենք, պարո՛ն վարչապետ. Փաշինյանը չի տիրապետում սեփական ժողովրդի ծագումնաբանությանը

Մենք կովկասցի չենք, մենք արիացի ենք, պարո՛ն վարչապետ, կովկասցիներն այլ ժողովուրդներ են, մենք արիացիներ ենք. Yerkir.am-ի հաղորդմամբ՝ ի պատասխան ՀՀ վարչապետ Նիկոլ Փաշինյանի՝ «մենք՝ բոլորս, կովկասցի ենք, բարեբախտաբար» արտահայտությանն այսպես է հակադարձել ՀՅԴ անդամ, ԿԳՄՍ նախարար Արայիկ Հարությունյանի հրաժարականը պահանջող հանրահավաքի մասնակից Գերասիմ Վարդանյանը:

Փաստենք, որ հայկական ակադեմիական պատմագիտությունը մերժում է հայ ժողովրդի՝ կովկասցի լինելու հանգամանքը: Պատմաբանները բազմիցս կոչ են արել զանգվածային լրատվության միջոցներին՝ «կովկասյան ժողովուրդներ» եզրույթի մեջ չներառել հայ ժողովրդին՝ բացատրելով նաև, որ Մեծ Կովկասի հարավային և հյուսիսային փեշերին ապրող ժողովուրդների՝ աբխազների, աբազինների, ադղների, չեչենների, ինգուշների, կաբարդինների, օսերի, Դաղստանի շուրջ 27 ազգությունների, լեզգիների, քարթվելական ժողովուրդների և այլոց շարքում չպետք է ներկայացնել նաև Հայկական լեռնաշխարհում ձևավորված հայ ժողովրդին:

«Հարգելի՛ս, Վանը կամ Մուշը չի՛ կարող Կովկասում լինել»՝ պատմաբաններն այսպես են հակադարձում բոլոր նրանց, ովքեր կրկնում են այս կոպտագույն սխալը:

Սեփական ժողովրդի արմատներից տոտալ անտեղյակ վարչապետին խորհուրդ կտայինք՝ Հայաստանի գիտությունների ազգային ակադեմիան փակման տանող օրենսդրական նախաձեռնությունների փոխարեն երբեմն ականջալուր լիներ այդ կաճառի ներկայացուցիչների խոսքերին:

Հիշեցնենք՝ ՀՀ վարչապետն այսօր հանդիպեց կառավարական շենքի առջև ԿԳՄՍ նախարարի հրաժարականը պահանջող ՀՅԴ ՀԵՄ-ի ներկայացուցիչների հետ, որտեղ, ի պատասխան Գերասիմ Վարդանյանի հարցին՝ «(ԿԳՄՍ նախարարի – խմբ.) «մուտիլովշչիկ», «տասովշչիկ» բառապաշարով հրապարակային գրառումներ անելուն ինչպե՞ս եք վերաբերվում», վարչապետը պատասխանեց. «Հիմա մենք երկուսով կարող ենք խոսել, մենք՝ բոլորս, կովկասցի ենք, բարեբախտաբար, կարող է մի բան դուք էնպես չասեք…»: ՀՀ վարչապետի այս որակմանն էլ վերոնշյալ իր դիտարկմամբ հակադարձեց Գերասիմ Վարդանյանը:

Վահե Սարգսյան    

Հաղորդագրություն
12 Նոյեմբերի 2019, 20:21 Հաղորդագրություն
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica