close
Եղանակը Երևանում
13 Նոյեմբերի 2019
+4°
+12°Ցերեկ
+3°Գիշեր
weather
close
Փոխարժեք
13 Նմբ 2019
USD1477.40
GBP1612.93
EUR1526.81
RUB17.46
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ադրբեջանական ցույցերի զավեշտը՝ ընդդիմադիր առաջնորդին մեղադրում են ինքն իրեն ծեծելու մեջ

Տարածաշրջան

22 Հոկտեմբերի 2019, 11:55
 Ադրբեջանական ցույցերի զավեշտը՝ ընդդիմադիր առաջնորդին մեղադրում են ինքն իրեն ծեծելու մեջ

Ադրբեջանում ԱՄՆ դեսպանատունը հայտարարություն է տարածել Բաքվում հոկտեմբերի 19-ին տեղի ունեցած ցույցերի վերաբերյալ: Այդ փաստաթղթում ԱՄՆ դեսպանատունը խստորեն դատապարտել է բռնությունը, որը կիրառվել է Բաքվի ոստիկանության կողմից ցույցը ցրելիս, ինչպես նաև դրա մասնակիցների ձերբակալությունը:

«Կոչ ենք անում հետաքննել ոստիկանության կողմից կիրառված բռնության դեպքերը, մեղավորներին ենթարկել պատասխանատվության և ապահովել, որ ձերբակալվածներն ազատ արձակվեն: Իշխանությունների գործողությունները՝ խաղաղ ցույցերը ցրելը, իրենց կարծիքը հայտնել ցանկացող ցուցարարների նկատմամբ բռնություն կիրառելը, թուլացնում են Ադրբեջանը»,- դեսպանատան հայտարարությունն է մեջբերում «Թուրան» գործակալությունը:

Ի դեպ, Ադրբեջանի ազգային ճակատի և ընդդիմության առաջնորդ Ալի Քերիմլիի վերաբերյալ, որը ձերբակալվել էր հոկտեմբերի 19-ին, գլխավոր դատախազությունը հայտարարություն է տարածել:

«Ալի Քերիմլին, տնից դուրս գալով, ուղղվել է ցույցերի վայր, այս պատճառով ոստիկանության աշխատակիցները նրան նստեցրել են ծառայողական մեքենա՝ պատասխանատվության ենթարկելու նպատակով, քանի որ նա խախտել է հասարակական կարգը: Այդ ժամանակ Քերիմլին չի ենթարկվել ոստիկանության պահանջներին, հայհոյել է, երկու աշխատակցի վնասվածք է հասցրել և սադրելու համար մի քանի անգամ գլխով հարվածել է ավտոբուսի ճաղավանդակին՝ վնասելով ճակատը»,- նշվում է հայտարարության մեջ:

Արդեն հայտնել ենք, որ ԵԽ Խորհրդարանական վեհաժողովը ևս քննադատել է ադրբեջանական իշխանություններին՝ ցույցերը բիրտ ձևով ցրելու համար:

Հիշեցնենք, որ հոկտեմբերի 19-ին հակակառավարական ցույցեր էին տեղի ունեցել Բաքվում, որոնք ուղեկցվել են ոստիկանության և ցուցարարների միջև բախումներով և մի շարք ընդդիմադիր գործիչների ու լրագրողների ձերբակալությամբ:

Բռնությունների մասին տեսանյութը՝ ստորև:

Ծաղրանկարը՝ Գյունդուզ Աղաևի

Եղանակը Հայաստանում
12 Նոյեմբերի 2019, 23:01 Եղանակը Հայաստանում
Հաղորդագրություն
12 Նոյեմբերի 2019, 20:21 Հաղորդագրություն
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica