close
Եղանակը Երևանում
5 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
5 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ճապոնիայի կայսրը պաշտոնապես հայտարարել է իր՝ ըստ երկրի սահմանադրության և կայսերական տան մասին օրենքի գահակալման մասին

Աշխարհ

22 Հոկտեմբերի 2019, 09:53
 Ճապոնիայի կայսրը պաշտոնապես հայտարարել է իր՝ ըստ երկրի սահմանադրության և կայսերական տան մասին օրենքի գահակալման մասին

Այսօր՝ հոկտեմբերի 22-ին, Ճապոնիայի կայսր Նարուհիտոն պաշտոնապես հայտարարել է իր գահակալման մասին՝ ըստ երկրի սահմանադրության և կայսերական տան մասին օրենքի: Նրա ուղերձը հնչել է Տոկիոյում ընթացող գահակալման արարողության ժամանակ. հայտնում է ՏԱՍՍ-ը:

«Ես գահ բարձրացա՝ համաձայն սահմանադրության և կայսերական տան մասին օրենքի: Անցկացնելով գահակալման արարողությունը՝ մենք այս մասին հայտարարում ենք երկրին և ամբողջ աշխարհին»,- ասել է միապետը:

Արարողությունն ընթանում է կայսերական պալատի ամենահռչակավոր «Սոճու դահլիճում», որտեղ տեղադրված է հսկայական զանգվածով գահ՝ 6,5 մետր բարձրությամբ և 8 տոննա քաշով, որը պատրաստվել է ըստ անցյալ դարավերջի հին նմուշների: 

Արարողությանը մասնակցելու նպատակով Ճապոնիա են ժամանել 174 երկրի և տարածքների 400 ներկայացուցիչներ, այդ թվում՝ 70-ից ավելի միապետեր և պետությունների ղեկավարներ: Կայսերը շնորհավորելու համար հրավիրված են նաև ճապոնական հասարակության բոլոր խավերի 1,6 հազար ներկայացուցիչներ՝ իշխանության օրենսդիր, գործադիր և դատական ատյանների ղեկավարները, կառավարության անդամներ և նախկին վարչապետեր, պրեֆեկտուրաների նահանգապետեր, գիտնականներ, մարզիկներ, գրողներ, ինչպես նաև գործարարներ:

Հիշեցնենք, որ 59-ամյա Նարուհիտոն կայսեր լիազորությունները ստացել է մայիսի 1-ից հետո, երբ ապրիլի 30-ին հանգստի անցավ հայրը՝ 85-ամյա Ակիհիտոն: Նա դեռևս 2016 թվականին գահից հրաժարվելու ցանկություն էր հայտնել՝ կապված տարիքի հետ, սակայն ճապոնական օրենսդրությունը միապետից պահանջում է իր պարտականությունները ցմահ կատարել:

 

Ակնարկ. Չափորոշիչներ
4 Օգոստոսի 2020, 17:33 Ակնարկ. Չափորոշիչներ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica