close
Եղանակը Երևանում
12 Նոյեմբերի 2019
+10°
+13°Ցերեկ
+2°Գիշեր
weather
close
Փոխարժեք
12 Նմբ 2019
USD1477.22
GBP1610.79
EUR1526.33
RUB17.47
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռուս դերասաններին Վրաստանում դիմավորել են սկանդալով

Մշակույթ

21 Հոկտեմբերի 2019, 12:26
 Ռուս դերասաններին Վրաստանում դիմավորել են սկանդալով

Վրացական Քութայիս քաղաքում մոսկովյան «Ու Նիկիտսկիխ վորոտ» թատրոնի շրջագայությունը սկսվել է սկանդալով: Ավելի քան 20 տեղաբնակ բողոքի ակցիա է կազմակերպել շենքի առջև, որտեղ պետք է հանդես գար ռուսական թատրոնը: Նրանք պարզել են հակառուսական կարգախոսներով պաստառներ  և հայտարարել, որ թատերախմբի ելույթն անընդունելի է: Այդ ժամանակ դահլիճում արդեն անշլագ է եղել՝ հանդիսատեսին ներկայացվել է  Լյուդմիլա Ուլիցկայայի «Անմոռուկները» պիեսը. հայտնում է Vesti.ru-ն:

Ըստ կայքի՝ թատերախումբը Վրաստան է ժամանել միջադեպից մի քանի օր առաջ: Քութայիսի թատրոնի դերասաններն ու  տեղի ակտիվիստները որոշել են բոյկոտել ներկայացումը: Ներկայացումը դիտել ցանկացողներին նրանք  բաժանել են կպչուն ժապավեններ են՝ «Ռուսաստանը՝ օկուպանտ» անգլերեն մակագրությամբ: Փաստորեն, ակցիան չի իրականացվել մասնագիտական խանդի պատճառով. կազմակերպիչներից մեկը «Ռուսաստանը՝ օկուպանտ» տխրահռչակ շարժումն է:

«Մենք ՝ «Ռուսաստանը՝ օկուպացիոն» շարժման ակտիվիստները և այլ հասարակական կազմակերպությունների անդամները, բողոքում ենք մեր քաղաք ռուսական թատրոն այցի դեմ, որը ներկայացնում է մի երկիր, որը գրավել է մեր տարածքի 20 տոկոսը»,- ասել է շարժման հիմնադիր Նիկոլայ Դեյիսաձեն:

«Իհարկե, իրական արվեստը սահմաններ չունի: Բայց հիմա, երբ մեր երկրների միջև հարաբերությունները լարված են, Ռուսաստանի թատրոնի այցը շատերին է վրդովեցնում»,- նշել է Քութայիսի բնակիչ Ռամազ Սոխաձեն:

Ըստ քաղաքագետ, Գլոբալիզացիայի հիմնախնդիրների հետազոտությունների կենտրոնի ղեկավար Ալեքսանդր Չաչիայի՝ «Ռուսաստանը՝ օկուպանտ» կազմակերպությունը Վրաստանում միակ արմատական կազմակերպությունը չէ: Դրանք բոլորը ֆինանսավորվում են դրսից՝ ամերիկյան, եվրոպական հիմնադրամների կողմից, դրանց անվանում են՝ «սորոսականներ», քանի որ Սորոսն է սկսել այդ շարժումը, և հիմնական նպատակը  հակառուսական տրամադրությունների ապահովումն է:

Ինչ վերաբերում է ներկայացմանը, ռուսական թատրոնի գեղարվեստական ղեկավար Մարկ Ռոզովսկին ասել է, որ ներկայացումը ջերմ ընդունելության է արժանացել, դերասաններին թույլ չեն տվել երկար ժամանակ հեռանալ բեմից: «Դահլիճում ավելորդություններ չեղան, պարզապես՝ ծափահարություններ»,- նշել է նա:

 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica