close
Եղանակը Երևանում
14 Նոյեմբերի 2019
+5°
+12°Ցերեկ
+1°Գիշեր
weather
close
Փոխարժեք
14 Նմբ 2019
USD1477.51
GBP1613.60
EUR1525.36
RUB17.45
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Դավիթ Սանասարյանի և ՊՎԾ նախկին աշխատակիցների գործով դատական առաջին նիստի օրը հայտնի է

Իրավունք

16 Հոկտեմբերի 2019, 16:12
 Դավիթ Սանասարյանի և ՊՎԾ նախկին աշխատակիցների գործով դատական առաջին նիստի օրը հայտնի է

Պետական վերահսկողական ծառայության պետ Դավիթ Սանասարյանի և ՊՎԾ նախկին աշխատակիցների գործով դատական առաջին նիստը նշանակվել է հոկտեմբերի 28-ին. Yerkir.am-ը տեղեկացավ «Datalex» դատական տեղեկատվական համակարգից:

Քրեական գործով ամբաստանյալի կարգավիճակում են Դավիթ Սանասարյանը, ՊՎԾ նախկին պաշտոնյաներ Գևորգ Խաչատրյանը, Սամվել Ադյանը, ինչպես նաև վերջինիս ընկեր, «Զորաշեն» ՍՊԸ-ի փաստացի ղեկավար Տարոն Ավետիսյանը։

Գործը մակագրվել է Երևանի ընդհանուր իրավասության դատարանի դատավոր Դավիթ Բալայանին։

Հիշեցնենք, որ ՊՎԾ պետ Դավիթ Սանասարյանն, ում լիազորություններն այս պահին ժամանակավորապես կասեցված են, մեղադրվում է պաշտոնական լիազորությունները չարաշահելու համար: 

Ազգային անվտանգության ծառայության կայքէջի հաղորդմամբ՝ բավարար ապացույցներ են ձեռք բերվել, որոնք առերևույթ վկայում են այն մասին, որ վերջինս, հանդիսանալով ՊՎԾ ղեկավար, ունենալով ծառայության անմիջական ղեկավարումն իրականացնելու, ծառայության աշխատակիցներին նշանակելու և ազատելու, վերահսկվող օբյեկտներում ուսումնասիրություններ իրականացնելու հանձնարարագրեր տալու, վերահսկվող օբյեկտներից ծառայության գործառույթներին առնչվող տեղեկություններ և փաստաթղթեր պահանջելու լիազորություններ, խմբային շահերից ելնելով` իր աշխատակիցների կողմից փաստացի կառավարվող ընկերության ձեռնարկատիրական գործունեությանը նպաստելու նպատակով իր պաշտոնեական դիրքն առերևույթ օգտագործել է ծառայության շահերին հակառակ, ինչպես նաև չի կատարել իր ծառայողական պարտականությունները:

Սանասարյանի նկատմամբ որպես խափանման միջոց է կիրառվել չհեռանալու մասին ստորագրությունը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica