close
Եղանակը Երևանում
13 Նոյեմբերի 2019
+4°
+12°Ցերեկ
+3°Գիշեր
weather
close
Փոխարժեք
13 Նմբ 2019
USD1477.40
GBP1612.93
EUR1526.81
RUB17.46
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կարեւոր եւ արդյունավետ եմ գնահատում վարչապետ Գախարիայի հետ այսօր մեր ունեցած բանակցությունները. Փաշինյան

Քաղաքական

15 Հոկտեմբերի 2019, 17:42
 Կարեւոր եւ արդյունավետ եմ գնահատում վարչապետ Գախարիայի հետ այսօր մեր ունեցած բանակցությունները. Փաշինյան

Կարեւոր եւ արդյունավետ եմ գնահատում վարչապետ Գախարիայի հետ այսօր մեր ունեցած բանակցությունները: Այս մասին այսօր ասաց ՀՀ վարչապետ Նիկոլ Փաշինյանը՝ ամփոփելով Վրաստանի վարչապետ Գեորգի Գախարիայի հետ ունեցած հանդիպումը:   

Նա մասնավորապես նշեց. 

«Նախ ուզում եմ մեկ անգամ եւս ողջունել եղբայրական վարչապետին եւ նրա գլխավորած պատվիրակությանը: Մեծարգո պարոն վարչապետ, բարով եք եկել Հայաստան: Օգտվելով այս պատեհ առիթից՝ թույլ տվեք եւս մեկ անգամ շնորհավորել ձեզ, պարոն Գախարիա, Վրաստանի վարչապետի պաշտոնն ստանձնելու կապակցությամբ: Վստահ եմ՝ Վրաստանում նկատել են, որ ՀՀ վարչապետի պաշտոնում իմ ընտրվելու առաջին իսկ օրվանից հայ-վրացական բարեկամական հարաբերություններն սկսել են զարգանալ առանձնահատուկ ջերմությամբ, ակտիվ եւ անկեղծ շփումներով, մեզ հուզող հարցերի շուրջ անմիջական եւ վստահելի երկխոսությամբ:

Այս ամենն արտահայտում է իմ այն համոզմունքը, որ Վրաստանի հետ հարաբերություններն առանձնահատուկ կարեւորություն ունեն Հայաստանի համար: Պատահական չէ, որ վարչապետի պաշտոնում իմ առաջին արտագնա այցը կատարեցի հենց Վրաստան: Ուրախ եմ, որ մեր շփումների դինամիկան, փոխվստահության մակարդակը, ինչպես նաեւ ձեր ներկայիս այցը, պարոն վարչապետ, խոսում են այն մասին, որ Վրաստանը եւս առանձնահատուկ կարեւորություն է տալիս Հայաստանի հետ իր հարաբերություններին:

Կարեւոր եւ արդյունավետ եմ գնահատում վարչապետ Գախարիայի հետ այսօր մեր ունեցած բանակցությունները, որոնք եւս մեկ անգամ փաստեցին հարաբերությունների առկա բարձր մակարդակն ու դրանց հետագա զարգացումը խթանելու երկուստեք ցուցաբերած պատրաստակամությունը:

Իմ գործընկերոջ հետ քննարկեցինք երկկողմ օրակարգային հարցերի գրեթե ողջ շրջանակը: Պետք է նշեմ, որ մեր երկկողմ օրակարգն այնքան լայն եւ հագեցած է, որ դժվար է մեկ հանդիպումով ապահովել բոլոր հարցերի քննարկումը: Երկուստեք բարձր գնահատեցինք երկարատեւ ընդմիջումից հետո հայ-վրացական միջկառավարական հանձնաժողովի աշխատանքների վերսկսումը: Վստահություն հայտնեցինք, որ համատեղ ջանքերով հնարավոր կլինի կարճ ժամկետում իրագործել հանձնաժողովի՝ 10-րդ նիստի արձանագրության մեջ տեղ գտած պայմանավորվածությունները:

Շատ կարեւոր է, որ շրջանակներում անցկացվեր նաեւ հայ-վրացական գործարար համաժողով, ինչն իր հերթին կարող էր լայն հնարավորություններ բացել մեր երկրների առեւտրատնտեսական համագործակցության համար: Կարեւորեցինք տրանսպորտային եւ էներգետիկ ծրագրերի նշանակությունը, ինչպես երկկողմ տնտեսական հարաբերությունների զարգացման, այնպես էլ տարածաշրջանային կայունության տեսանկյունից:

Միակարծիք ենք երկկողմ հումանիտար կապերի խորացման հարցում: Այս առումով կարեւոր է պահպանել երկկողմ շփումների ակտիվությունը: Ընդգծեցինք նաեւ միմյանց մշակութային ժառանգության պահպանման կարեւորությունը՝ բարձր գնահատելով այս ուղղությամբ ներգրավվող ջանքերը:

Տիկնայք եւ պարոնայք, ՀՀ արտաքին քաղաքականության կարեւորգույն խնդիրներից է տարածաշրջանային խաղաղության եւ անվտանգության մթնոլորտի ձեւավորումը: Այս առումով համոզված ենք, որ հայ-վրացական հարաբերությունների շարունակական զարգացումը պետք է զերծ լինի ցանկացած արտաքին գործոնների ազդեցությունից:

Այս համատեքստում անդրադարձ կատարեցինք տարածաշրջանային հակամարտություններին: Համակարծիք ենք, որ դրանց համապարփակ եւ տեւական կարգավորումը հնարավոր է բացառապես խաղաղ ճանապարհով՝ միջազգային իրավունքներին, սկզբունքներին համապատասխան»:

Եղանակը Հայաստանում
12 Նոյեմբերի 2019, 23:01 Եղանակը Հայաստանում
Հաղորդագրություն
12 Նոյեմբերի 2019, 20:21 Հաղորդագրություն
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica