close
Եղանակը Երևանում
13 Նոյեմբերի 2019
+4°
+12°Ցերեկ
+3°Գիշեր
weather
close
Փոխարժեք
13 Նմբ 2019
USD1477.40
GBP1612.93
EUR1526.81
RUB17.46
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ. ՀՀ քրդական համայնքի ներկայացուցիչները բողոքի ակցիա են իրականացնում ԱՄՆ դեսպանատան առջև

Հասարակություն

15 Հոկտեմբերի 2019, 12:48
 ՏԵՍԱՆՅՈՒԹ. ՀՀ քրդական համայնքի ներկայացուցիչները բողոքի ակցիա են իրականացնում ԱՄՆ դեսպանատան առջև

Այսօր՝ հոկտեմբերի 15-ին, Երևանում ԱՄՆ դեսպանատան մոտ Հայաստանի քրդական համայնքի ներկայացուցիչները բողոքի ակցիա են իրականացնում՝ Միացյալ Նահանգների իշխանությունների ուշադրությունը հրավիրելով Սիրիայի հյուսիս-արևելքում տիրող իրավիճակին, կարևորելով քրդական բնակավայրերի վրա թուրքական հարձակումների խնդիրը:

«Դատապարտում ենք թուրքական կառավարության ցեղասպան քաղաքականությունը»,- շեշտում են ակցիայի մասնակիցները:

Ավելի վաղ տեղեկացրել էինք, որ հոկտեմբերի 9-ին Թուրքիան Սիրիայի հյուսիս-արևելքում սկսել է «Խաղաղության ակունք» ռազմական գործողությունը:

Թուրքիայի պնդմամբ՝ շրջանում իշխում են Քուրդիստանի աշխատավորական կուսակցությանը (ՔԱԿ) կից Քրդական ազգային ինքնապաշտպանության ուժերը, որոնք, երկրի կարծիքով, ահաբեկչական են, և իրենք ռազմական գործողությունների միջոցով նպատակ են հետապնդում մաքրել տարածքը ահաբեկիչներից:

Հիշեցնենք, որ դեպքի առնչությամբ հեռախոսազրույց են ունեցել ԱՄՆ նախագահ Դոնալդ Թրամփն ու Թուրքիայի նախագահ Ռեջեփ Թայիփ Էրդողանը: Վերջինս նշել է, որ իրենք 30 կմ սահմանից խորանալու մտադրություն ունեն, քանի որ ցանկանում են ստեղծել բուֆերային գոտի, ինչպես նաև՝ այնտեղ 3-4 միլիոն սիրիացի փախստականների բնակեցնել:

Եղանակը Հայաստանում
12 Նոյեմբերի 2019, 23:01 Եղանակը Հայաստանում
Հաղորդագրություն
12 Նոյեմբերի 2019, 20:21 Հաղորդագրություն
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica