close
Եղանակը Երևանում
19 Նոյեմբերի 2019
+2°
+9°Ցերեկ
-1°Գիշեր
weather
close
Փոխարժեք
19 Նմբ 2019
USD1476.98
GBP1617.88
EUR1527.92
RUB17.49
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Փոքրերին պիտի պաշտպանենք միջինից, խոշորից, այս պայմաններում նրանք դուրս են մնում շուկայից. տնտեսագետ

Տնտեսական

14 Հոկտեմբերի 2019, 16:57
 Փոքրերին պիտի պաշտպանենք միջինից, խոշորից, այս պայմաններում նրանք դուրս են մնում շուկայից. տնտեսագետ

Վերջին տասը տարիներին 50 և ավելի աշխատակից ունեցող խանութների շրջանառության ծավալներն ավելանում են՝ դուրս մղելով փոքր խանութներին և կրպակներին, և սա պետության մի շարք սխալների արդյունքն է. այսօր՝ հոկտեմբերի 14-ին հրավիրված ասուլիսում ասաց տնտեսագետ, ՀՅԴ փորձագետ Սուրեն Պարսյանը:

Պատճառներից նա նշեց առաջին հերթին հարկային քաղաքականությունը: «Սուպերմարկետների նկատմամբ շատ մեղմ քաղաքականություն է տարվում. խոշոր առևտրային ցանց կարող ես բացել ցանկացած տեղ, ցանկացած ժամի, մինչդեռ՝ մի շարք զարգացած երկրներում կա զոնավորման հարց, ըստ ժամանակացույցի՝ աշխատանքի կազմակերպում (ո՛ր ժամերին է կարելի, որ դրանք աշխատեն) և այլն: Նաև՝ սուպերմարկետների ցանցը հարկվում է յուրաքանչյուր հերթական սուպերմարկետի համար: Մեզ մոտ չկա որևէ հարկային մեխանիզմ, որը թույլ կտա խոշորի նկատմամբ առանձին հարկային քաղաքականություն վարել: Խոշորը, երբ զգա, որ իր վրա լրացուցիչ հարկեր են դրվում, ուղղակի մրցունակ չի լինի: Իսկ մեր դեպքում խոշոր ցանցերում իրականացվում է ցածր գնային քաղաքականություն»,- ասաց տնտեսագետը:

Նաև, ըստ Պարսյանի, խոշոր ցանցերում իրականացվում է  մանրածախ վաճառք՝ մեծածախի գներով: «Այս պայմաններում փոքր և միջին խանութները չեն կարող մրցակցե, ուղղակի դուրս են գալիս շուկայից, և այս մարդիկ հիմնականում բռնում են արտագաղթի ճանապարհը: Օրինակ՝ այս տարվա 6 ամիսների կտրվածքով մենք ունենք զբաղվածության թվի աճ, բայց այդ աճը ոչ թե պայմանավորված է աշխատատեղերի ստեղծմամբ, այլ աշխատուժի քանակի կրճատմամբ: 46 հազարով կրճատվել է աշխատուժի քանակը Հայաստանում: Ըստ էության, այդքան մարդ Հայաստանից արտագաղթել է կամ այս-այն ձևով շուկայից դուրս եկել: Սա բացասական երևույթ է, տնտեսության համար մտահոգիչ գործընթաց է: Փոքրերին պիտի պաշտպանենք միջինից, խոշորից»,- ասաց տնտեսագետը:

Պարսյանի դիտարկմամբ՝ տարվա վերջին ավանդաբար ունենում ենք գնաճ՝ պայմանավորված սեզոնային, ինչպես նաև քաղաքական գործոններով՝ մարդիկ սպասումներ են ունենում: Նա վստահ է, որ այս երևույթը պետք է պետականորեն կարգավորվի: «Սրան պետք է պատրաստվել՝ իրականացնելով զսպումներ»,- նշեց նա:

Սակայն մեր կառավարության տնտեսական միջամտությունը, ըստ տնտեսագետի, շատ թույլ է և ավելի հաճախ պարտվում է Կենտրոնական բանկի դրամավարկային քաղաքականությանը: «Սրանք պետք է հավասարակշռեն իրար, բայց արդյունքում բանկային-ֆինանսական համակարգը շահում է և իր նախագծերը տանում առաջ: Եթե նայենք վերջին շրջանում ԿԲ-ի նախագծերն են, որ եկել ու անցել են»,- նշեց Պարսյանը:

Նոր նշանակումներ ՊՆ-ում
19 Նոյեմբերի 2019, 20:45 Նոր նշանակումներ ՊՆ-ում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica