close
Եղանակը Երևանում
13 Նոյեմբերի 2019
+8°
+12°Ցերեկ
+2°Գիշեր
weather
close
Փոխարժեք
13 Նմբ 2019
USD1477.40
GBP1612.93
EUR1526.81
RUB17.46
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայաստանը արտակարգ իրավիճակում տարհանման գործողություններ իրականացնելու փորձ է վաստակել

Հասարակություն

14 Հոկտեմբերի 2019, 09:10
 Հայաստանը արտակարգ իրավիճակում տարհանման գործողություններ իրականացնելու փորձ է վաստակել

«Առաջին լրատվական»-ի զրուցակիցն է Լիբանանի «Ազդակ» օրաթերթի գլխավոր խմբագիր Շահան Գանդահարյանը:

-Պարոն Գանդահարյան, Հայաստանի ԱԳՆ-ն Սիրիայում ստեղծված իրավիճակը մտահոգիչ է համարում: Ձեր կարծիքով՝ ի՞նչ կարող է և պետք է անի Հայաստանը:

ԱԳՆ-ի հայտարարությունը համարժեք է իրավիճակին՝ հատկապես իրավիճակի բնութագրման, ագրեսորի դատապարտման և համայնքի պայմանների նկատառման առումով։ Հայաստանը առաջին անգամ չէ, որ դիմագրավում է հայ համայնքի վտանգվածության խնդրին և փորձ է վաստակել արտակարգ իրավիճակում տարհանման գործողություններ իրականացնելու։

Նախ՝ համայնքի պատասխանատուների հետ հակախուճապային տեղեկատվություն արտադրելու, ապատեղեկատվության դեմն առնելու և հակազդելու անհրաժեշտություն կա։ Բազմակողմ դիվանագիտության կիրառումով միջազգային ճնշումը զորացնելու Թուրքիայի վրա, Սիրիայում դեսպանության արտակարգ ռեժիմով աշխատելու և ռազմական գործողությունների թեժացման դեպքում արտահանման գործողություններ իրականացնելու խնդիր կա։

-Նախկին իշխանության օրոք սիրիահայերը մի շարք դժգոհություններ ունեին, գալիս էին, ապա չհարմարվելով՝ հեռանում այլ երկիր: Դուք հետևում էիք Սփյուռքի նախարարության աշխատանքներին: Ի՞նչն էր թերի այս առումով:

-Խնդիրը վերաբերում էր ոչ թե դեպի Հայաստան տեղափոխման կամ տեղում օժանդակություն հասցնելուն, որը, ի դեպ, փայլուն կատարվեց, այլ հենց Հայաստանում բնակարանային և աշխատանքային հարցերի լուծմանը։ Չպետք է մոռանալ, սակայն, աշխատանքի խնդրին ամբողջ երկիրն է դիմագրավում։

-Պարոն Գանդահարյան, Հայրենադարձության օրենքի նախագծի վրա է աշխատում խորհրդարանը: Ինչ եք կարծում՝ որքանո՞վ է անհրաժեշտություն այսպիսի նախագիծը, և հնարավո՞ր է այսօր արդյոք հայրենադարձություն կազմակերպել։

-Հայրենադարձության օրենքը անհրաժեշտություն է այն պարզ պատճառով, որ ազգի մեծամասնությունը Հայաստանից դուրս է ապրում։ Հայրենադարձություն հասկացությունը համալիր ծրագրով պետք է ընկալել և փուլային իրականացնել։ Հիմնական տեղափոխման առընթեր մասնագիտական մարդուժը, Հայաստանում ուսանելը, հող գնելը, բնակարան ունենալը, ներդրում անելը, քաղաքացի դառնալը, կարծում եմ, հայրենադարձության հասկացության պիտի ներառել։



 


Եղանակը Հայաստանում
12 Նոյեմբերի 2019, 23:01 Եղանակը Հայաստանում
Հաղորդագրություն
12 Նոյեմբերի 2019, 20:21 Հաղորդագրություն
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica