Ո՞ւր է սիրիահայության իրավունքի պաշտպանությունը. Սեթո Բոյաջյան
Քաղաքական
Սփյուռքահայ հասարակական-քաղաքական գործիչ, ՀՅԴ անդամ Սեթո Բոյաջյանը գրառում է արել ֆեյսբուքյան իր էջում՝ անդրադառնալով ՀՀ ԱԳՆ-ի՝ Թուրքիայի ռազմական ներխուժումը Սիրիա դատապարտող հայտարարությանը:
«ՀԱՅԱՍՏԱՆԻ ԱՐՏԳՈՐԾՆԱԽԱՐԱՐՈՒԹՅԱՆ ԼԱԿՈՆԻԿ ՀԱՅՏԱՐԱՐՈՒԹՅԱՆ ԱՌԻԹՈՎ՝ Ո՞ՒՐ Է ՍԻՐԻԱՀԱՅՈւԹՅԱՆ ԻՐԱՎՈՒՆՔԻ ՊԱՇՏՊԱՆՈՒԹՅՈՒՆԸ
Թեեւ ուշացած, Հայաստանի արտգործնախարարությունը քիչ առաջ հրապարակեց հայտարարություն, որում Հայաստանը դատապարտում է Սիրիայի դեմ Թուրքիայի «ռազմական ներխուժումը», որ «ստեղծում է նաև ինքնության հիմքով մարդու իրավունքների ծանր և զանգվածային խախտումների անմիջական վտանգ»: Այս հայտարարության մեջ ոչ մի նշում չկա սիրիահայության մասին»,- գրել է նա՝ հավելելով, որ առավոտյան հրապարակած «ՀԱՅԱՍՏԱՆ ՏԷ՞ՐՆ Է ՍՓԻՒՌՔԱՀԱՅՈՒ ԻՐԱՒՈՒՆՔԻՆ» հոդվածով դարձյալ նույն հարցադրումն է անում։
