close
Եղանակը Երևանում
6 Դեկտեմբերի 2019
+4°
+5°Ցերեկ
+0°Գիշեր
weather
close
Փոխարժեք
6 Դեկ 2019
USD1477.94
GBP1627.63
EUR1530.13
RUB17.49
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ. Լատինաամերիկյան երկրների պատվիրակներն Արցախ մեկնելուց առաջ Ծիծեռնակաբերդում ծաղիկներ խոնարհեցին

Քաղաքական

9 Հոկտեմբերի 2019, 23:39
 ՏԵՍԱՆՅՈՒԹ. Լատինաամերիկյան երկրների պատվիրակներն Արցախ մեկնելուց առաջ Ծիծեռնակաբերդում ծաղիկներ խոնարհեցին

«Համագործակցություն հանուն արդարության և խաղաղության» խորագրով՝ Արցախի բարեկամների համաժողովին մասնակցելու համար լատինաամերիկյան երկրներից ժամանած պատվիրակները Ծիծեռնակաբերդում այսօր ծաղիկներ խոնարհեցին Հայոց ցեղասպանության զոհերի հիշատակին:

«Եկել են այստեղ հարգանքի տուրք մատուցելու և այս կերպ Ցեղասպանության պատճառներին և հետևանքներին ավելի մոտիկից ծանոթանալու: Վաղն արդեն կմեկնենք Արցախ՝ մասնակցելու միջազգային համաժողովին, որը նվիրված է Արցախի ժողովրդի ինքնորոշման իրավունքին և պետության հզորացմանը»,- Yerkir.am-ին ասաց Սոցինտերնի փոխնախագահ, ՀՅԴ Բյուրոյի նախկին անդամ Մարիո Նալբանդյանը:

Ըստ նրա՝ պատվիրակները քաջատեղյակ են հայ ժողովրդի պատմությանը և եկել են պետականության կառուցման գործում իրենց զորակցությունը հայտնելու նաև Արցախի ժողովրդին:

«Կան հյուրեր, որոնց անձնական ներդրումը Հայ դատի արծարծման գործում իրապես ուշագրավ է: Այստեղ է Չիլիի դեսպանը, որի ջանքերի շնորհիվ 2007 թվականին Չիլիի Սենատը ճանաչեց Հայոց ցեղասպանությունը»,- ասաց Նալբանդյանը:

Մեր զրուցակիցն ընդգծեց՝ այստեղ են նաև իրավաբաններ, պրոֆեսորներ, մտավորականներ, որոնքր այսօր իրենց երկրներում Արցախի հարցի արծարծման գլխավոր դերակատարներն են:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica