close
Եղանակը Երևանում
15 Հոկտեմբերի 2019
+21°
+22°Ցերեկ
+10°Գիշեր
weather
close
Փոխարժեք
15 Հոկ 2019
USD1476.44
GBP1598.27
EUR1525.85
RUB17.42
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիան որոշել է միակողմանի գործել. ԱՄՆ-ն իր զինվորականներին դուրս է բերել Սիրիայի հյուսիսից՝ Թուրքիայի կողմից ծրագրվող ռազմական գործողության պատճառով

Աշխարհ

9 Հոկտեմբերի 2019, 09:59
 Թուրքիան որոշել է միակողմանի գործել. ԱՄՆ-ն իր զինվորականներին դուրս է բերել Սիրիայի հյուսիսից՝ Թուրքիայի կողմից ծրագրվող ռազմական գործողության պատճառով

ԱՄՆ-ը, Թուրքիայի կողմից ծրագրվող ռազմական գործողության ֆոնին, Սիրիայի հյուսիսից դուրս է բերել իր զինվորականներին. ասվում է ԱՄՆ պաշտպանության նախարարության պաշտոնական կայքում՝ Պենտագոնի մամուլի ծառայության ներկայացուցիչ Ջոնաթան Հոֆմանի խոսքերին հղումով։

Հոֆմանը մանրամասնել է, որ, միևնույն ժամանակ, Սիրիայում ԱՄՆ-ի ռազմական ներկայությունը մնացել է անփոփոխ:

«Գերատեսչության դիրքորոշումը եղել և մնում է նույնը՝ Սիրիայի հյուսիսում անվտանգության գոտու ստեղծումը կայունության պահպանման լավագույն ճանապարհն է: Ցավոք, Թուրքիան որոշել է միակողմանի գործել: Այդ պատճառով մենք ԱՄՆ-ի ուժերը Սիրիայի հյուսիսից դուրս բերեցինք՝ նրանց անվտանգությունն ապահովելու համար: Ներկայումս մենք Սիրիայում մեր ուժային ներկայության մեջ փոփոխություններ չենք մտցրել»,- ասվում է հայտարարության մեջ:

Պաշտոնյան հերքել է նաև ամերիկյան որոշ լրատվամիջոցների հաղորդումներն այն մասին, թե նախագահ Դոնալդ Թրամփը Սիրիայի հարցի շուրջ խորհրդակցություններ չի անցկացրել Պենտագոնի ղեկավարի հետ:

Հիշեցնենք, որ ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ Սիրիայի հյուսիսում ռազմական գործողությունների մասին որոշումը կարող է ընդունվել առաջիկա օրերին: Նա պարզաբանել էր, որ այս գործողությունների նպատակն է լինելու Սիրիայի սահմանամերձ հատվածը Սիրիայի քրդերի ինքնապաշտպանական ուժերից մաքրելը և այնտեղ Թուրքիայում հաստատված սիրիացի փախստականներին բնակեցնելը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica