close
Եղանակը Երևանում
29 Հունվարի 2020
+1°
+3°Ցերեկ
-3°Գիշեր
weather
close
Փոխարժեք
29 Հնվ 2020
USD1478.58
GBP1622.87
EUR1526.53
RUB17.65
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ախալցխայում հայկական դպրոցը բացվեց վերանորոգված և կահավորված տեսքով

Տարածաշրջան

19 Սեպտեմբերի 2019, 18:28
 Ախալցխայում հայկական դպրոցը բացվեց վերանորոգված և կահավորված տեսքով

Ախալցխայի հայկական դպրոցը այս տարի իր դռները բացեց աշակերտների համար վերանորոգված և կահավորված դասարաններով: Դպրոցի վերանորոգման և կահավորման հարցով զբաղվել էր գործարար և բարերար Արտյոմ Սուրմալյանը: Դպրոցի բացման արարողությանը և ուսումնական տարվա մեկնարկին ներկա էին տեղական ինքնակառավարման մարմինների ներկայացուցիչներ քաղաքապետի և մաժորիտար պատգամավորի գլխավորությամբ, ինչպես նաև հյուրեր Ախալցխայ շրջանից ու Հայաստանից: Գրում է  Javakhkmedia.com-ը։

Դպրոցի ուսումնական տարվա մեկնարկը մուտքի մոտ տրվեց պետական հիմնով, տեր հոր օրհնությամբ ու վրացական պարով, ինչից հետո հյուրերը հանդես եկան բազմաթիվ ելույթներով ու ողջույնի խոսքերով: Ընթացքում միջոցառումը շարունակվեց հայկական և վրացական պար-երգերով:

Դպրոցը վերանորոգած բարերար Արտյոմ Սուրմալյանը իր խոսքում շնորհավորեց աշակերտներին ուսումնական տարվա մեկնարկի կապակցությամբ և նշեց, որ հեռանալով Ախալցխայից ինքը մտքով մի պահ անգամ չի հեռացել այս դպրոցից, այստեղի հայությունից ու քաղաքից: Նա նաև ցավով նշեց, որ դպրոցի վերանորոգման ժամանակ ականատես չեղավ մարդկանց, ովքեր գային և ինքնակամ մասնակցեին իրենց դպրոցի վերանորոգմանը և վերանորոգումից հետո դպրոցի մաքրման աշխատանքներին:

Հարկ է նաև նշել, որ այս տարի հայկական դպրոց է հաճախելու 52 առաջին դասարանի աշակերտ: Նախորդ տարիների համեմատ աշակերտների թիվը նվազել է, ինչի արդյունքում 3-4 դասարանի փոխարեն այս տարի բացվելու է երկու դասարան:  

 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica