close
Եղանակը Երևանում
14 Նոյեմբերի 2019
+8°
+12°Ցերեկ
+1°Գիշեր
weather
close
Փոխարժեք
14 Նմբ 2019
USD1477.46
GBP1613.63
EUR1526.02
RUB17.42
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հաշեմ. «Հարցերը Պիտի Լուծուին Միայն Քաղաքացիական Պետութեամբ Եւ Մէկ Ընտրատարածքի Հիմամբ Համամասնական Օրէնքով»

Սփյուռքի ձայնը

9 Սեպտեմբերի 2019, 13:26
 Հաշեմ. «Հարցերը Պիտի Լուծուին Միայն Քաղաքացիական Պետութեամբ Եւ Մէկ Ընտրատարածքի Հիմամբ Համամասնական Օրէնքով»

Ազատագրում եւ բարգաւաճում պլոքի անդամ երեսփոխան Քասեմ Հաշեմ, Ամալ շարժումին եւ Մէյս Ժապալ քաղաքապետարանի խորհուրդին` Աշուրայի առիթով կազմակերպած սուգի հաւաքին ընթացքին արտասանած խօսքին մէջ  ընդգծեց, որ անկարելի չէ յաղթահարել Լիբանանի դիմագրաւած տնտեսական եւ ընկերային տագնապները: Կարողութիւն ունինք դիմադրելու եւ շրջանցելու այս մարտահրաւէրները, եթէ կամքն ու վճռակամութիւնը ունինք, ըսաւ ան` աւելցնելով, որ ասոր ապացոյցը Իսրայէլի դէմ Լիբանանի ձեռք բերած յաղթանակն է:

Քասեմ Հաշեմ ըսաւ նաեւ, որ տակաւին առիթ կայ կառուցողական  աշխատանք տանելու` նկատի ունենալով, որ տարբեր քաղաքական կողմերու երկխօսութիւնները յոյս կը ներշնչեն: Իբրեւ Ազատագրում եւ բարգաւաճում պլոք, կը մերժենք միջին եւ աղքատ դասակարգերու  ծանրաբեռնել տնտեսական յաւելեալ պարտաւորութիւններով, որովհետեւ յստակ են այլընտրանքային լուծումները, իսկ պատասխանատուութիւնը կը պահանջէ նախաձեռնութիւն եւ պատրաստակամութիւն` հեռու կուսակցական եւ համայնքային հաշուարկներէ:

Հաշեմ եզրափակեց իր խօսքը նշելով, որ եթէ Լիբանանի համար համայնքները հարստութիւն են, ապա համայնքային մոլեռանդութիւնը անէծք է, եւ ա՛յդ է այս երկրին տագնապին հիմքը: Հարցերը պիտի չլուծուին, մինչեւ  որ հասնինք  քաղաքացիական պետութեան, որ ունենայ մէկ ընտրատարածք` ըստ համամասնական օրէնքի եւ առանց կախեալ ըլլալու համայնքներէն:

«Ազդակ»

ՈՒՂԻՂ. Կառավարության նիստ
14 Նոյեմբերի 2019, 11:27 ՈՒՂԻՂ. Կառավարության նիստ
Ի՞նչ եղանակ է սպասվում
13 Նոյեմբերի 2019, 17:54 Ի՞նչ եղանակ է սպասվում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica