close
Եղանակը Երևանում
13 Դեկտեմբերի 2019
+1°
+2°Ցերեկ
+0°Գիշեր
weather
close
Փոխարժեք
13 Դեկ 2019
USD1477.71
GBP1629.96
EUR1531.55
RUB17.56
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Երեկոյան Երևան՝ զարդարված ու մատնված անտարբերության

Թեմա

30 Հուլիսի 2019, 17:55
 Երեկոյան Երևան՝  զարդարված ու մատնված անտարբերության

Եվրոպայում ուսանելուս ժամանակահատվածում մեր՝ ուսանողներիս ամենասիրելի զբաղմունքը երեկոյան Սոֆիայի կենտրոնով քայլելն էր, որտեղ գտնվում էր քաղաքի հուշարձանների մեծ մասը: Դա նաև զբոսաշրջիկների սիրելի զբաղմունքն էր, որոնք տուրիստական ծեծված ուղիներով քայլելուց հետո մեծագույն հաճույքով ճեմում էին երեկոյան քաղաքով:

Անտեղի չէ նշել, որ ոչ վաղ անցյալում նոր թրենդ է ձևավորվել տուրիզմի ոլորտում, որը կոչվում է գիշերային տուրիզմ, երբ ստեղծվում են պայմաններ որևէ քաղաք, հուշարձան կամ կոթող դիտելու՝ երեկոյան լուսավորությամբ: Պարզապես հրաշալի է տեսնել Կոլիզեումը կամ Էյֆելյան աշտարակը երեկոյան լուսային կոմպոզիցիայի ներքո:

Պակաս հրաշալի չէ նաև այնքան երգված երեկոյան Երևանը, որը ևս զարդարված է տարբեր հուշարձաններով. զարդարված ու մատնված անտարբերության:

Այդ անտարբերության ականատեսը եղա բոլորովին վերջերս, երբ Վրաստանից ժամանած ընկերներիս խնդրանքով փորձեցի, որպես զբոսավար, ցույց տալ նրանց գիշերային Երևանը, հատկապես` Երևանի հուշարձանները: Արդյունքը մեծ հիասթափությունն էր, որ զգացին հյուրերը, ու ամոթը, որ զգացի ես, ինչն ուղղակի հետևանքն էր մայրաքաղաքի քաղաքապետարանի «կատարած աշխատանքների»: Առօրյա աշխատանքային վազվզոցի մեջ ոչ ոք չի նկատում այն, ինչը չի վրիպում Երևան այցելած և ոչ մի տուրիստի աչքից` այն, որ մեր հուշարձանների մի ստվար մասը, մեղմ ասած, ոչ բարվոք վիճակում են, չունեն գիշերային լուսավորություն, չխնամված են, չմաքրված, երբեմն նաև` կիսավեր: Այս ամենի պերճանքն ու թշվառությունն իր գագաթնակետին է հասնում, երբ, ուսումնասիրելով Երևան քաղաքի այս տարվա բյուջեն, տեսնում ենք, որ հուշարձանների պահպանությանը հատկացվող միջոցները կրճատվել են 86 տոկոսով:

Իսկ թե արդյունքում ինչի ֆինանսավորումն է ավելացել, գուշակելու կարիք երևի չկա՝ պարգևատրումներ, խրախուսումներ՝ 163 տոկոսով, արտաքին գործուղումներ՝ 80 տոկոսով, և այլն:

Աջ ու ձախ Երևանը տուրիստական խոշոր հանգրվան դարձնելու խոստումներ տվող ներկայիս քաղաքային իշխանությունները չեն պատկերացնում, որ մայրաքաղաք այցելած զբոսաշրջիկների աչքից չեն կարող վրիպել այդպիսի «մանրուքները» ՝ իրենց բոլոր հետևանքներով:

Այսքանից հետո առաջանում է մեկ, թերևս հռետորական հարց՝ իսկ ինչպե՞ս եք պատրաստվում զարգացնել տուրիզմը մայրաքաղաքում՝ տեղի-անտեղի գոռալով, որ Երևանը Հռոմից հի՞ն է:

Լրջացե՛ք պարոնայք, ԼՐՋԱՑԵ՛Ք:

Տիգրան Չանդոյան

Մահացել է Բենուր Փաշայանը
13 Դեկտեմբերի 2019, 11:59 Մահացել է Բենուր Փաշայանը
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica