close
Եղանակը Երևանում
14 Դեկտեմբերի 2019
+3°
+6°Ցերեկ
+1°Գիշեր
weather
close
Փոխարժեք
14 Դեկ 2019
USD1477.51
GBP1640.53
EUR1533.90
RUB17.66
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Իրանը կտրականապես դեմ է Պարսից ծոցում պարեկության համար կոալիցիա ստեղծելու` ԱՄՆ-ի գաղափարին

Աշխարհ

23 Հուլիսի 2019, 17:05
 Իրանը կտրականապես դեմ է Պարսից ծոցում պարեկության համար կոալիցիա ստեղծելու` ԱՄՆ-ի գաղափարին

 Իրանի առաջին փոխնախագահ Էշակ Ջահանգիրին վճռականորեն հանդես է եկել ԱՄՆ-ի` Պարսից ծոցում պարեկություն իրականացնելու նպատակով ռազմական կոալիցիա ստեղծելու գաղափարի դեմ. հայտնում է «Թասնիմ»-ը: «Նման կոալիցիա ստեղծելու որևէ անհրաժեշտություն չկա»,- ասել է նա:

Պաշտոնյայի խոսքով` նման կոալիցիաները և տարածաշրջանում օտարերկրյա ուժերի ներկայությունը ստեղծում են անապահով պայմաններ: Ըստ Ջահանգիրի` պարեկությունը միայն կհանգեցնի լարվածության սրմանը:

«Իրանը կարող է տարածաշրջանի անվտանգությունն ապահովել տարածաշրջանի երկրների օգնությամբ»,- ասել է պաշտոնյան:

ԱՄՆ պետքարտուղար Մայք Պոմպեոն հայտարարել էր, որ ԱՄՆ-ը կոալիցիա է ստեղծում Հորմուզի նեղուցում պարեկություն իրականացնելու համար: «Մենք կոալիցիա ենք ստեղծում, որը կապահովի ծովային ուղիների աշխատանքը»,- ասել էր նա:

«Նախագահը հստակ հասկացրել է, որ Իրանի հետ պատերազմ չի ցանկանում, մենք ուղղակի ցանկանում ենք, որպեսզի նրանք հրաժարվեն աշխարհով մեկ ահաբեկչական ակտիվությունից»,- ասել էր Պոմպեոն:

 

 

Փաշինյանը կայցելի Ռուսաստան
13 Դեկտեմբերի 2019, 17:44 Փաշինյանը կայցելի Ռուսաստան
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica