close
Եղանակը Երևանում
12 Դեկտեմբերի 2019
+0°
+5°Ցերեկ
-1°Գիշեր
weather
close
Փոխարժեք
12 Դեկ 2019
USD1478.02
GBP1628.02
EUR1529.79
RUB17.53
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հրդեհների քանակը 2.1 անգամ ավելացել է

Հասարակություն

22 Հուլիսի 2019, 15:31
 Հրդեհների քանակը 2.1 անգամ ավելացել է

Հայաստանում 2019 թվականի 6 ամսվա ընթացքում գրանցվել է հրդեհների աննախադեպ աճ, հատկապես՝ խոտածածկ և բուսածածկ տարածքներում: 

Լրագրողների հետ զրույցում, այս մասին ասաց ՀՀ ԱԻՆ հրդեհային և տեխնիկական անվտանգության հետաքննության վարչության  պետի տեղակալ Սերգեյ Հայրապետյանը:

«Համեմատելով 2018 թվականի առաջին կիսամյակի հետ՝ կարող եմ ասել, որ 2019 թվականի առաջին կիսամյակում ընդհանուր հրդեհների քանակը 2.1 անգամ ավելի է: Խոտածածկ տարածքներում նախորդ տարվա նույն ժամանակահատվածի համեմատ այս տարի մոտ 4 անգամ ավելի շատ հրդեհ ենք ունեցել»,- նշեց Հայրապետյանը և հավելեց, որ այրված տարածքների մակերեսը 2018 թվականի 1-ին կիսամյակի համեմատ 2019-ի նույն ժամանակահատվածում 5.7 անգամ ավելի շատ է եղել:

Նրա խոսքով՝ 2019 թվականի հուլիսի 1-20-նն ընկած ժամանակահատվածում գրանցվել է 1200-ից ավելի հրդեհ, որոնց ճնշող մեծամասնությունը եղել է խոտածածկ և բուսածածկ տարածքներում՝ մոտ 75 տոկոսը:

Հայրապետյանն ընդգծեց, որ ընթացիկ տարվա 6 ամսվա ընթացքում հրդեհների աճ գրանցվել է մայիս և հունիս ամիսներին:

«Հրդեհների առաջացման հիմնական պատճառը մարդկային գործոնն է՝ հիմնականում ծխախոտի մնացորդը նետելը, հանգստյան գոտիներում աղբ թողնելը և այլն: Այդ իսկ պատճառով ՀՀ ԱԻՆ-ը կոչ է անում քաղաքացիներին լինել ավելի զգոն և պահպանել հրդեհային անվտանգության կանոնները»,- ասաց Հրդեհային և տեխնիկական անվտանգության հետաքննության վարչության պետի տեղակալը:

Նա նաև շեշտեց, որ «Հրդեհային անվտանգության մասին» ՀՀ օրենքի համաձայն հրդեհային պահպանությունը ոչ միայն ԱԻՆ հրշեջ-փրկարարների գործն է, այլև՝ տեղական ինքնակառավարման, պետական մարմինների, կազմակերպությունների, պաշտոնատար անձանց և քաղաքացիների համատեղ ուժի:

ԱԱԾ-ն նոր բացահայտում է արել
11 Դեկտեմբերի 2019, 15:05 ԱԱԾ-ն նոր բացահայտում է արել
ՏԵՍԱՆՅՈՒԹ․ Ճոխ 2020
11 Դեկտեմբերի 2019, 13:39 HES_VIDEOՏԵՍԱՆՅՈՒԹ․ Ճոխ 2020
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica